Әйелдің көпбалалы ана екенін ескере отырып, оған үш жылға бас бостандығынан айыру жазасы тағайындалды
СҚО Мамлют аудандық соты Қазақстан Республикасының аумақтық тұтастығын бұзуды насихаттау дерегі бойынша қылмыстық істі қарады, бұл қылмыс телекоммуникация желілерін пайдалану арқылы жасалған.
Айыпталушы – кәмелетке толмаған бес баланы бағып отырған 39 жастағы ауыл тұрғыны, бірақ TikTok-та тым көп отыратын кісі екен. Наурыз айында ол 24 мың жазылушысы бар жеке парақшасынан тікелей эфир бастаған.
Ол бұрын-соңды танымайтын бір еркекпен ер адаммен онлайн-әңгіме соғып, ақыры Қазақстанның жері кімдікі деген тақырыпты талқылауға дейін жеткен.
"Сұхбаттасушының сұрақтарына жауап бере отырып, ол Солтүстік Қазақстан аумағы, оның ішінде Петропавл қаласы тарихи тұрғыдан Ресейдің жері деген пікірін ашық мәлімдеді, - делінген іс материалдарында. - Өзінің осы сөзімен ол интернетте елдегі ұлтаралық қатынастарды бұзуға бағытталған, Қазақстан Республикасының аумақтық тұтастығына қауіп төндіретін саяси және азаматтық сана-сезімнің мінез-құлығын насихаттады".
Бұл эфирдің жазбасы "Telegram" әлеуметтік желісіндегі "Alash ruhi" арнасында жарияланған. Айыпталушы өз кінәсін толық мойындап, сол күні түскі тамақ әзірлеп жүргенде телефонынан TikTok әлеуметтік желісіне кіріп, "Стрим" бөлімінде бейтаныс қолданушыдан батл ойнауға ұсыныс алғанын айтты.
- Ол Қазақстанның Ресейге қосылуы жөнінде референдум өткізілсе, қалай дауыс берер едіңіз деп сұрады, - деді Татьяна. - Мен Солтүстік Қазақстан бұрын орыс жері болған деп ойлап, Қазақстанның Ресейге қосылуына қарсы болмайтынымды айттым. Саясатқа қызықпаймын және сұхбаттасушының сұрақтарына неге солай жауап бергенімді өзім де түсінбеймін.
Әйел өзінің арандатуға ұшырағанын айтты. Дегенмен, кінәсін мойындап, шын жүректен өкінді. Прокурор оған алты жылға бас бостандығынан айыру жазасын сұрады. Айта кету керек, ҚР ҚК 180-бабының 2-бөлімі бес жылдан он жылға дейін бас бостандығынан айыру жазасын қарастырады.
Алайда сот бұл жолы төменгі шектен де төмен жаза қолдануды мүмкін деп санады.
"Жазаның түрі мен мөлшерін анықтау кезінде сот жасалған әрекеттің ауыр қылмыстар санатына жататынын, қоғамға қауіптілік дәрежесін, жазаны жеңілдететін мән-жайлардың болуы мен жазаны ауырлататын мән-жайлардың болмауын, тұрғылықты жері бойынша жақсы сипатталатын, жасаған ісіне шын жүректен өкінген айыпталушының жеке басын ескерді, - делінген үкімде. - Айыпталушының отбасылық жағдайын, оның кәмелетке толмаған төрт баласын, жазаның отбасы мүшелерінің өмір сүру жағдайына әсерін, жұбайы ауру, 2-топ мүгедегі екенін ескере отырып, бұл мән-жайларды ерекше деп танып, ҚР ҚК 55-бабының 4-бөлігінің ережелерін ескере отырып, ең төменгі деңгейден төмен жаза ретінде үш жыл бас бостандығынан айыру жазасы тағайындалды".
Үкім заңды күшіне енген жоқ.
Фото: ашық дереккөзден.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
