Бас прокуратурадағы біреулер жергілікті прокуратураға бұйрық беріп жіберіпті
“Уральская неделя” газетінің бас редакторы Тамара ЕСЛЯМОВА Қазақстандағы атом электр станциясы (АЭС) тақырыбында көшеде өтіп бара жатқан адамдардан пікір алғаны үшін сотталатын болды, дейді zhasalash.kz.
“Ертең Орал қаласында әкімшілік сотта мені соттайды. Кәсіби қызметім үшін. Биліктің мені, “Жайық апталығының” журналисі әрі бас редакторын сотқа беруі бірінші рет емес, бірақ әрбір жаңа айыптау болып жатқан оқиғаның қисынсыз болуымен таң қалдырады. Орал көшелерінде бірнеше азаматты әңгімеге тарттық. Бұл кәсіби жұмыс. Олар 6 қазанда елде қандай оқиға болатынын біле ме деп сұрадық. Біреулер білді, біреулер білмеді. Халық АЭС құрылысы жобасына өз көзқарасын білдірді, біреу қолдады, біреу қарсы болды. Қайталап айтамын – видеода алты-жеті адамның сұхбаты бар. Бас прокуратурадағы біреулер бізді халық арасында сауалнама жүргізді деп, жергілікті прокуратураға бұйрық берді. Олар тез арада Әкімшілік сотқа жеке тұлға ретінде маған айып тағып, “Журналистік бастама” ЖШС-нің үстінен екінші айып дайындады”, - деп жазды Еслямова бейсенбі күні әлеуметтік желідегі парақшасында.
Ол сұхбаттың кәсіби жанры мен қоғамдық сауалнамалардың арасында үлкен айырмашылық бар екенін атап өтті.
“Бірақ прокуратура бұл айырмашылықты көріп тұрған жоқ. Ал, заң бойынша қоғамдық сауалнаманың қорытындысын жариялауға тыйым салынғанымен, біздің журналистердің қала көшелерінде бірнеше адаммен әңгімесін қоғамдық сауалнама ретінде ұсынады. Ал олар маған ӘҚБтК-нің 112-бабының 3-бөлігі бойынша айып тақты. Прокуратураның істеп жатқаны қызметкерлерінің білім деңгейінің төмендігін, интеллектуалдық деңгейінің төмендігінің, ойсыздықтың салдары емес. Мен журналистік сұхбат жанрына, сұрақ қоюға прокурорлардың бұлайша араласуын журналистік қызметке кедергі деп есептеймін”, - дейді Еслямова.
Фото: rus.azattyq.org/©Самат Урналиев.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
