Ақшаны жеке бас пайдасына жаратып, мемлекетке ірі мөлшерде залал келтірген
Қызылордада мемлекетке жалпы 21,7 миллион теңгедан астам мүліктік залал келгтірген мектеп директоры мен бас сесепшісі сотталды, деп хабарлайды turkystan.kz.
Бұл қылмыстық іс Қызылорда қаласының №2 сотында қаралды.
Сотталушы балалар мен жасөспірімдердің олимпиадалық резерв мектебінің директоры қызметін атқарған. Ол қызмет бабын пайдалану арқылы бас есепшісінің көмегімен өзінің шотына 2018-2023 жылдар аралығында бюджет қаражатын заңсыз аудартып алған. Оны жеке бас пайдасына жаратып, мемлекетке ірі мөлшерде залал келтірген.
“Бас есепшінің қылмыстық әрекетінен мемлекетке жалпы 21,7 миллион теңгедан астам мүліктік залал келген. Сот отырысында олар тағылған айыпты мойындап, өз әрекетіне өкінетінін көрсеткен. Сотталушы жүкті екенін, асырауында кәмелетке толмаған балалары барын ескеріп, бас бостандығынан айыруға байланысты емес жаза тағайындауды сұрады. Жәбірленуші өкілі сотталушылар шығынды толық өтегенін және басқа талабы жоқ екенін көрсетті. Сот үкімімен сотталушыны ҚР Қылмыстық кодексінің 189-бабы 3-бөлігі 1), 2), 3)-тармақтарымен кінәлі деп танылды. Ол белгілі бір лауазымдарды атқару құқығынан өмір бойына шеттетіліп, 2 жыл мерзімге бас бостандығынан айыру жазасы тағайындалды”, - деп мәлім етті Қызылорда қаласының №2 сотынан.
Ал балалар мен жасөспірімдердің олимпиадалық резерв мектебінің директоры ҚР Қылмыстық кодексінің 28-бабы 5-бөлігі 189-бабы 3-бөлігі 1),2),3)-тармақтарымен, 189-бабы 3-бөлігі 1)-тармағымен кінәлі деп танылды.
“Оған аталған кодекстің 58-бабы 3-бөлігінің талабына сай онша қатаң емес жазаны неғұрлым қатаң жазаға сіңіру арқылы белгілі бір лауазымдарды атқару құқығынан өмір бойына шеттетіілді. Оған түпкілікті 3 жыл мерзімге бас бостандығынан айыру жазасы тағайындалды. Сотталушыға ҚР Қылмыстық кодексінің 74-бабы 1-бөлігі қолданылды. Он төрт жасқа толмаған балалары бар әйел ретінде жазаны орындау бес жылға дейін кейінге қалдырылды”, - деп толықтырды соттан.
Фото: istockphoto.com.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
