Қауіпсіздік стратегиясы және цифрлық егемендік
Деректер қауіпсіздігі
Қытайлық платформалардың нарыққа кіруіне шектеулер қою жағынан Үндістан белсенді боп отыр. Негізгі себеп – деректердің ұрлануынан сақтану. Temu деген басқа да қытайлық сервисер сияқты пайдаланушылардың жеке ақпараттын көп көлемде жинайды, оның ішінде сатып алушылардың қалауы, мекен-жайы, қаржылық деректері және басқа да жеке басқа қатысты ақпараттар. Сондай деректер Қытайдың мемлекеттік құрылымдарыныа берілуі мүмкін деген күдік артқандықтан, Үндістан бұл ақпараттың саяси немесе экономикалық мақсаттарда пайдаланылмай ба деп алаңдайды.
2023 жылы Үндістанның тұтынушылар құқықтарын қорғау қауымдастығы дерек жинау мен бақылау жасай алатын қосымшаларға шектеу енгізу үшін ұжымдық шағым жолдады. Сол кезде Үндістанның Ақпараттық технологиялар министрлігі Қытайдың цифрлық платформалары мен қызметтерін, соның ішінде Temu-ды бұғаттаудыға бағытталған жаңа ережелер енгізгенін жариялады. Бұл шара 2020 жылы қабылданған саясаттың жалғасы еді, ол кезде 200-ден астам қытайлық қосымша, соның ішінде танымал TikTok, PUBG және WeChat азаматтардың деректерін қорғау және цифрлық егемендікті сақтау мақсатында бұғатталған болатын.
Басты қадамдардың бірі – Цифрлық егемендік туралы заңның қабылдануы болды, ол Үндістанда жұмыс істейтін шетелдік компаниялардан қауіпсіздік стандарттарына сай болуды және Үндістан заңнамасы бойынша деректерді қорғау ережелерін сақтауды талап етеді. Атап айтқанда, заң шетелдік компанияларды, мысалы, Temu, деректерді Үндістанда сақтап, оны биліктің рұқсатынсыз басқа елге бермеуге міндеттейді.
Одан бөлек, Үндістан үкіметі халықаралық ұйымдар мен басқа елдердің үкіметтерімен тығыз жұмыс істей отырып, қытайлық цифрлық платформалардан келетін қауіптерді болдырмау үшін жаһандық қауіпсіздік желісін құруда. Үндістан қытайлық сервистерге салынған бұғат пен санкцияларды айналып өту үшін пайдаланылуы мүмкін халықаралық транзакциялар мен төлем жүйелерін бақылауды күшейтті.
Экономикалық қауіп және жергілікті өндірушілерді қорғау
Үндістан билігін алаңдататын тағы бір маңызды мәселе – жергілікті өндірушілер мен шағын кәсіпорындарға төнетін қауіп. Temu негізінен Қытайда жасалатын арзан тауарлар ұсынып, Үндістандағы өндірушілер бәсекелесе алмайтын теңсіз жағдай туғызады.
Үндістандағы шағын және орта кәсіпорындар, сондай-ақ тәуелсіз өндірушілер Қытай сатушыларының агрессиясына тап болуда, Қытайдың арзан жұмыс күші мен өндірістік қуаттары тауар бағасын едәуір төмендетуге мүмкіндік береді. Соған қарап Үндістанның өндірушілері де бағаларын төмендетуге мәжбүр болады, бұл табыстың төмендеуіне, тіпті банкроттыққа әкеледі. Үндістанның өндірушілер қауымдастығының 2023 жылы жарияланған есебіне сәйкес, бұл құбылыс текстиль, электроника және аксессуарлар сынды секторларда байқалуда.
2023-2024 жылы Үндістанның Қытайға экспорты $16,65 млрд құраса, Қытайдан импорт $101,74 млрд жетті. Соңғы бес жылда саудадағы дисбаланс салдарынан Үндістан $334 млрд-тан астам сауда дефицитіне тап болды, бұл Қытай тауарларына деген тәуелділіктің артқанын көрсетеді.
Қытайдан импорттың өсуіне жауап ретінде Үндістан кейбір тауарларды импорттауға қосымша шектеулер енгізуді қарастыруда. Ондай шаралардың бірі – Қытай тауарларына антидемпингтік баждар енгізу, бұл Қытай өндірушілерінің субсидиялар мен басқа да мемлекеттік қолдау түрлері арқылы алған артықшылықтарын жоюға бағытталған. Бұл баждар Үндістан өндірушілері үшін бәсекелестікке тең жағдай жасауға және Қытайдың импортына тәуелділікті азайтуға бағытталған.
Қытай маркетплейстерінен туындайтын қауіптерге қарсы тұру үшін Үндістан өзінің цифрлық платформаларын дамытуда. Мысалы 2007 жылдан бері Қытайдың AliExpress пен Temu сияқты онлайн-алпауыттарымен бәсекелесе бастаған Flipkart платформасы пайда болды. Flipkart Үндістандық сатып алушылар үшін бәсекеге қабілетті бағалар мен қызметін ұдайы жақсарту бағытында жұмыс істейді, бұл жергілікті нарықты шетелдік платформалардың монополиясынан сақтайды.
Сонымен қатар, Үндістан өз тұтынушыларына бағытталған Snapdeal және Myntra сияқты e-commerce платформаларын дамытуда. Бұл платформалар жергілікті өндірістің тауарларын ұсынады, бұл елдің экономикасын қолдауға және Қытай тауарларына тәуелділікті азайтуға көмектеседі.
Білім беру және қолданушылардың сауатын арттыру
Қытай сервистерін пайдаланудан келетін қауіптерден сақтану үшін Үндістан өз азаматтарының сауатын арттыру шараларын қабылдауда. Үкімет халыққа Қытай қосымшалары мен қызметтерін, оның ішінде Temu-ды пайдалану қауіпті екенін ескертіп отырады.
Сондай шаралардың бірі – мектеп пен университеттерде киберқауіпсіздік бойынша міндетті білім беру курстарын енгізу болды. Бұл өскелең ұрпаққа жеке деректерді қорғаудың маңыздылығын түсінуге және сенімсіз цифрлық платформаларды пайдаланудың қауіпті екенін түсінуге көмектеседі.
Фото: Getty Images.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
