Соңғы екі жылда күзетілетін объектіге заңсыз кіруге қатысты сотқа дейінгі 8 тергеп-тексеру шарасы басталған
Ақмола облысының аумағындағы кеніштерге алтынды заңсыз іздеуге түскен 4,2 мың адам жауапкершілікке тартылды, деп хабарлайды Кazinform.
“Степногорск өңірінің аумағында “Алтыналмас” компаниялар тобына жататын алтын өндіретін кеніштер орналасқаны белгілі.
Заңда көзделген жауапкершілікке қарамастан, Степногорск аймағының аумағында жерасты шахталарына заңсыз кірудің көптеген фактілері байқалады.
Соңғы 5 жылда шахталарға заңсыз кіргені үшін Әкімшілік құқықбұзушылық туралы кодекстің 506-бабы бойынша 4 295 тұлға әкімшілік жауапкершілікке тартылды, оның ішінде қайталап – 480 адам, 3 реттен артық – 100-ден астам тұлға тартылды.
Сонымен қатар 2023 жылда шахталарда алтынды заңсыз іздеген 3 адам қаза тапты”, - делінген Ақмола облысы прокуратурасының мәлімдемесінде.
Мәлім етілгендей, соңғы екі жылда күзетілетін объектіге заңсыз кіруге қатысты сотқа дейінгі 8 тергеп-тексеру шарасы басталған.
Прокуратура еске салып өткендей, қауіпті өндірістік объектіге заңсыз кіру Әкімшілік құқықбұзушылық туралы кодекстің 506-бабы бойынша әкімшілік, сондай-ақ ҚР Қылмыстық кодекстің 269-1-бабы бойынша қылмыстық жауапкершілікке әкеледі. Аталған баптың санкциясы жеті жылдан он жылға дейінгі мерзімге бас бостандығынан айыруды көздейді.
Фото: reepik.com.
