Фильм жергілікті көрермендер мен дипломатиялық корпус өкілдерінің оң пікірлерін алды
2022 жылғы 24 қараша - 14 желтоқсан - Сауд Арабиясындағы дипломатиялық корпуста "Ambassadors Choice International Film Festival" кинофестивалі өтті, деп хабарлайды ҚазАқпарат ҚР Сыртқы істер министрлігінің баспасөз қызметіне сілтеме жасап.
Фестивальге Қазақстанмен қатар Үндістан, Испания, Аустралия, Куба, Швеция, Бангладеш, АҚШ, Ливан, Сауд Арабиясы, Алжир, Ливан, Палестина сияқты елдер қатысты.
Кинофестиваль аясында режиссер Ақан Сатаевтың "Томирис" атты қазақстандық көркем фильмі көпшілікке ұсынылды. Кино ежелгі грек тарихшысы Геродот Галикарнастың массагет патшайымы туралы әңгімелейтін шежірелеріне негізделген.
Фильм жергілікті көрермендер мен дипломатиялық корпус өкілдерінің оң пікірлерін алды. Тамашалауға келгендер отандық кино актерлерінің ойынын жоғары бағалады. Олар сондай-ақ ең күрделі жауынгерлік, шабандоздық шеберлік көріністерінің ауқымы мен орындалуын атап өтті және "Томирис" фильмін соңғы жылдардағы сапалы тарихи фильмдердің бірі деп атады.
