Жанармай ретейлі: клиенттердің көңіл күйіне қалай бейімделуге болады
Жанармай бизнесін ретейлерлердің қолына беру идеясы француз электроалпауыты Total компаниясына тиесілі. Бұл компания Германиядағы, Голландиядағы, Люксембург пен Бельгиядағы жанармай станцияларын түгел жапты. Олардың ойынша, клиенттердің мінез құлқын, әдетін ретейлерлер артық біледі. Ірі мұнай компаниясы мұнай мен газ өндірісіне, энергетика саласындағы басқа да маңызды жобаларына баса назар аударуды шешті. Ал жанармай құю станциясы бизнесін бөлшек ретейлерлер жақсы дөңгелетеді деп ұйғарды.
Ал 5 жыл бұрын "ҚазМұнайГаз" өз жанармай құю станцияларын жекеменшікке бергенде болашақта осы жанармай станцияларын қандай өзгеріс күтіп тұрғанын ешкім білген жоқ. Ескі жанармай станциялары қазір өз экожүйесі бар Қазақстандағы аса ірі сервистік қызмет желісіне айналған. Ал Qazaq Oil жаңа бренді сапа, жайлылық, сенімділіктің айнасы іспеттес болып отыр.
Qazaq Oil брендінің осындай сәтті болуының себебі неде? Ол ешкімнен жасырын емес.
Біріншіден, әңгіме сапада болса керек.
Qazaq Oil жанармай құю станциясына мұнай Атырау, Павлодар және Шымкент қалаларындағы мұнай зауыттарынан келеді. Әр ай сайын станцияларға компания қызметкерлері барып, өнімнің сынамасын алып арнайы зертханаларда тексертіп тұрады.
Бұл сынамалар үш деңгейлі: төменгі, ортаңғы, жоғарғы деңгейден алынады. Жақында компания өкілдері көпшіліктің қатысуымен сынама алған болатын.
Зерттеу қорытындысына сәйкес Qazaq Oil кез келген станциясынан алынған жанар жағармайдың сапасы Қазақстан заңнамасымен бекітілген нормадан артық болып шықты.
Екіншіден, қызмет көрсету сапасы болса керек.
Qazaq Oil жанармай станцияларында басты ерекшелік қызмет көрсету сапасының жоғарылығында болып отыр. Қызметкерлердің жайдарылығы, санитарлық тораптың тазалығы, сөрелердегі тазалық пен жинақылық осы брендтің басты өзгешелігі болып отыр.
Компания әр қызметкердің жұмыс сапасын онлайн бақылауға мүмкіндік беретін ІТ бағдарлама ойлап тапқан. Қалалық және ауылдық жанармай станцияларының кассирлері мен менеджерлерінің жұмысын тәулік бойы бақылаудың арқасында олардың қызмет көрсету сапасы бірнеше есеге артты. Сонымен қатар, арасында жанармай станцияларына "құпия клиенттер" де кеп тұрады. Олар да қызметкерлердің жұмысына баға береді.
Өткен жылдың соңында Қазақстандағы 380 жанармай станциясының қызметкерлері арасында ең үздіктері таңдалып марапатталды. Чемпиондар лигасының жеңімпаздары ақшалай сертификаттар, тұрмыстық техника алуға мүмкіндік беретін сертификаттар, Қазақстан мен шетелдерде демалысқа тур алды. Qazaq Oil компаниясы осынай конкурстардың арқасына қызметкерлер арасында ауызбіршілікті арттырып, оларды жігерлендіруге болатынына сенімді.
Qazaq Oil әлеуметтік, спорттық, шығармашылық, экологиялық жобаларды жүзеге асыруға мүмкіндік беретін арнайы Well-being бағдарламасын жүзеге асырып отыр. Well-being концепциясы шалғайда тұрған жанармай станциялары қызметкерлерінің де қажеттілігін қарастыруға мүмкіндік береді.
Одан бөлек қыркүйек айында компанияның топ менеджерлері ынтымақ күнін өткізді. Жоғарғы лауазымдағы қызметкерлер өздері кассада есептесіп, көліктердің терезесін сүртіп, жанармай құйып қызмет көрсетті. Осылайша, компания басшылары ортадағы барьерлерді бұза отыра барлық команданың жұмысын ынталандырады.
Жақында Qazaq Oil HeadHunter компаниясы ұйымдастырған байқауда "Үздік жұмыс беруші" аталымын жеңіп алды. Сонымен қатар, "Алтын сапа" президенттік премиясының аясында "Бизнес Кемелдік" номинациясының лауреаты атанды. Бұл марапат компанияның бизнестегі прогрессивті үздік жаңашылдығы үшін, қоғамдық қызмет көрсету саласындағы жасампаздығы үшін беріліп отыр.
Үшіншіден, жайлылық та маңызды рөл ойнап отыр.
Жанармай станцияларында таңертеңгі сергітетін кофеден бастап үйге қажетті тұрмыстық заттардың барлығы бар. Компанияның фокусы қазақстандықтың күнделікті қажеттілігін өтеу болып отыр.
Бүгінгі таңда сауданың 40%ы жанармайдан бөлек тауарлардың еншісінде болып отыр. Компания өкілдері бұл санның арта беретініне сенімді. Сондықтан да танымал Q әрпін пайдалана отырып Астана қаласында Q-Cafe автономды кофейнялары ашылды. Ал эксклюзивті мотор майлары, энергетикалық сусындар, ауызсу бірегей Tulpar брендімен сатылып отыр.
Сондай ақ, компанияның лоялды клиенттерінің арасында жолда көмек көрсету сервисі де ашылды. Олар жолда қалса шина ауыстыру, жанармай жеткізу сияқты қызметтерді ала алады. Бұл әсіресе, ауа райы қолайсыздау болатын солтүстік аудандардың тұрғындары үшін маңызды.
Төртіншіден, DODO франчайзинг бағдарламасы туралы айтуға болады.
Qazaq Oil франчайзинг бағдарламасы орта және шағын кәсіп иелеріне жаңа деңгейге көтерілуіне мүмкіндік беріп отыр. DODO франчайзинг бағдарламасы (Dealerowned – Dealeroperated) ашылғанына небары үш жыл өтті. Бүгінде Қазақстанда 24 серіктес жанармай құю станциясы істеп тұр. 21 жоба жақында аяқталады. Бұл сан жылдан жылға өсетіні анық. Кәсіпкерлер өз күшімен бизнес модель ойлап тауып, оның тиімділігін практика жүзінде дәлелдегенше, дайын жүйеге қойылған бизнес модельді қолдану тиімді екенін түсінді.
Франчайзинг келісім шарты бойынша компания кәсіпкерлерге атауын, стандарттарды, брендті, регламенттерді, ең бастысы жанармайды түгел өзі береді. Кәсіпкерге айналым қаражатын ойлап бас қатырудың қажеті жоқ. Осылайша Qazaq Oil жобаны жүзеге асырудың барлық керек жарағын беріп, дайын нәтижеге кепілдік береді. DODO бағдарламасы арқасында 300 жұмыс орны ашылған.
Бесіншіден, әлеуметтік жауапкершілік те маңызды мәселе.
Барлық жанармай станцияларында қайырымдылыққа арналған арнайы бокстар орнатылған. Былтыр қазан айында осындай бокстардан 5,7 млн
теңге жиналып, Қарағанды қаласындағы перинаталды орталыққа аппарат сатып алуға берілді. Компания қызметкерлері қан орталығына қан және плазма тапсыру бастамасын белсенді қолдайды.
Былтыр ауыл мектептерінің оқушылары, паралимпиада спортшылары, Астана әкімдігімен бірге өткен "Қайырымды істер марафоны" аясында мыңдаған жағдайы төмен отбасылар көмек алды. Сонымен қатар, Qazaq Oil Қазақстан Теннис федерациясымен біріге отырып "100 ауылға 100 үстел теннисі залы" жобасы аясында спорттық жабдықтар алынып берілді. Одан бөлек компания Абай мен Қостанай облысында орман өртінен зардап шеккен отбасыларға қаржылай көмек көрсетті.
Компания бірқатар мәдени жобаларға да қолдау көрсетіп келеді.
Атап айтқанда, аты аңызға айналған "Азия Дауысын" қайта жаңғыртып, Астанаға "Джулия" мюзиклін апарды. Осы мюзиклді тамашалауға ауыл балаларына тегін билеттер берілді.
2024 жылы Qazaq Oil ел үшін маңызды жобаларды қолдауды жалғастыратын болады. Олардың бірі ретінде 60 Венецианбиеннале жобасында қазақстандық павильонның құрылысына демеуші болмақ. Компания Қазақстанның мәдени мұраларын әлем аренасында паш етуге үлес қоспақ. Мәдени байланысты арттырып, еліміздің халықаралық аренадағы имиджін қалыптастыруға ат салысады.
Осы бес пункттің әрқайсысы үлкен мақалаға арқау болары анық. Олардың кейбірі туралы болашақта жазыла да жатар. Бірақ, бір анығы Qazaq Oil компаниясы адамдардың өмірін жақсарту арқылы гүлденген бизнес тұрғызуға болатынын, аймақтық трендсеттер екенін, Қазақстан ретейл нарығында үздік екенін тағы дәлелдеді.
Фото: Qazaq Oil.
