Ірі АЖС желісінің трансформациясы
Еліміздің ірі қалаларының сыртына сапарға шыққан кез келген жолаушы маңызды мәселемен бетпе бет келеді. Сыртқы аудандарда таза, жабық, жылы әжетханалар жоқтың қасы. Бұл жайсыздық қана емес, айтуға тұрарлық қажеттілік десек те артық емес. Ірі АЖС желісін трансформациялау кезінде Qazaq Oil компаниясы әр нүктенің техникалық жабдықталуына баса мән берді. Бұл туралы осы материалда нақтырақ жазамыз.
Автожанармай құю станциялары еліміздің барлық өңірінде орналасқан. Тіпті шалғай ауылдар мен аудандарда да бар. Олардың әрқайсысында таза, жылы, жайлы әжетханалар, жолда қажет болатын тамақ, сусын тағы басқа заттар бар. Өз клиенттеріне жайлы, қолайлы сервис көрсету үшін компания бірнеше километрге ұласқан су құбырын қазып, скважина бұрғылап, таза су фильтрлерін қойды. Енді кез келген қазақстандық Qazaq Oil жанармай станциясына келіп қамқорлықтың жылуын сезе алады.
Ірі АЖС трансформациясы
Qazaq Oil компаниясының 5 жылда жасаған өзгерісін ғажайып деуге бола ма? Оны әркім өзі саралай жатар.
2019 жылы "ҚазМұнайГаз Өнімдері" АЖС желісі болған. Ол кезде құбырлар ескі болатын, қажетсіз резервуарлар, күрделі жөндеуді талап ететін операторлық бөлімдер болатын.
Бүгінде бұл желілер заманауи, кең форматты, жанармай және non-oil-ретейл обьектісі. Бұл нысанда нағыз соңғы үлгідегі технологиялар қолданылады. Соның арқасында жанармай саудасы 52% ға өсті. Ал на non-oil-тауарларға сұраныс 12 есе артты.
Әр станция қайтадан салынды десек артық айтпаймыз. Нысанның сыртқы және ішкі келбеті толық өзгерді. Операторлық бөлме заманауи дизайн бойынша қайтадан жоспарланып, сауда алаңы үлкейтілді. Инженерлік желілер жаңартылды. Сонымен қатар, нысанның сыртқы қасбеті өзгерді. Айналасына брусчатка төселіп, газон егілді.
АЖС ішінде Q-Cafe зоналары ашылды. Мұнда нан-тоқаш өнімдерін пісіретін ультражылдам пештер, неміс кофе аппараттары істеп тұр. Фастфуд өнімдерін пісіретін модульдік техника орнатылды. Халық тұтынатын өнімдерін сақтау үшін қойма жасалды.
Енді кез келген Qazaq Oil жанармай құю станциясында уланып қалмай, дәмді тамақ ішуге болады. Себебі, мұнда жаңа нан-тоқаш, фастфуд, сэндвич өнімдерін сақтайтын тоңазытқыштар бар.
Жолаушының базалық қажеттілігін өтеу арқылы Qazaq Oil басты миссиясы туралы да естен шығармайды. Жолаушыларға сапасы жоғары жанармаймен қамту үшін тағы да жабдықтардың бәрін өзгерту керек болды. Атап айтқанда, ескі резервуарларда сұйықтықтың сапасын бұзатын тұнба қалатын еді.
Осы орайда Ұлыбританияның Durapipe PLX құбырын сатып алды. Бұл құбырлар тот баспайтын, герметикалық тұрғыдан төзімді, қоршаған ортаға зияны жоқ.
Сонымен қатар, көлемі 10 мен 50 м³ арасында жаңа сертификатталған отандық өндірістегі резервуарлар сатылып алынды.
Клиенттер өте сапалы сервис алу үшін Qazaq Oil жанармай бөлетін колонкаларды жаңартып, орнына Gilbarco неміс компаниясының жабықтарын орнатты.
Бұл мұнаралар құйылатын жанармайдың мөлшерін нақты есептеп береді.
Компания толық жабдықтауға 60 миллиард теңге жұмсады. Бүгінде Qazaq Oil активінде 364 АЖС бар. Олардың 29 -ы DODO (Dealer owned – Dealer operated) франчайзинг программасы бойынша ашылған. Тағы 20 нысанның құрылысы жүріп жатыр. Qazaq Oil үздіксіз өсіп, шалғай ауылдардың тұрғындарын жұмыспен қамтып келеді.
"Әлем үлкен жылдамдықпен дамып келеді. Модернизация процесі тоқтаусыз жүре береді. Біз осы ақиқатты түсініп, уақыт тынысына сай әрекет етіп отырмыз. Біз тек қана клиенттің сұранысын қамтамасыз етіп қана қоймай, жаңа трендтің қозғаушысы болғымыз келеді. Qazaq Oil үшін басты тренд – қазақстандықтардың өмір сүру сапасын жақсарту", – деді компания өкілдері.
Фото: Qazaq Oil.
