Тағы да ұрланған уақыт туралы
Елде бірыңғай уақыт белдеуін енгізген сауда және интеграция министрлігі.
Бұл министрліктің өз еркімен жасалған нәрсе емес.
Біздің шенеуніктер өздері болып ешқашан бастама көтермейді.
Анығы, біздің қашан жатып, қашан тұратынымызды сыртымыздан шешті.
Зып еткізіп уақытты өзгерте салды.
Өтірік сарапшылармен өтірік тыңдаулар өткізе салды.
Бұл спектакльді басқа министрліктер де қолпаштап шықты.
Уақыт белдеуін өзгерту шешімі таза абсурд, бұра тарту.
Бұл анық, оны дәлелдеп жатудың еш қажеті де жоқ.
Бұл шешім үкіметтің сиқын көрсетті.
Елде басқа да проблема толып жатқанда олар уақытқа қадалды.
Петицияны қабылдаудан ат-тонын ала қашты.
Петиция дегенге түкіргенін көрсетті.
Әлеуметтік желілерде жұрт биліктің бұл шешімін сынап отыр.
Мемлекеттік тапсырыс алмайтын БАҚ-тар да жазды.
Мәселе саяси сипатқа ие болды.
Елу мың азамат қол қойған петицияға билік саяси шешімін шығарды.
Біз билікпен соттасамыз.
Сонда петиция тақырыбы мен биліктің оны пысқырмайтыны барынша жария болады.
Елдегі уақытты ауыстыру туралы қаулы заңсыз қабылданды, қажетті рәсімдер сақталған жоқ.
Бұл Конституцияға қайшы келеді.
Сот мән-жайдың бәрін ескере отырып, үкіметті заңды сақтауға мәжбүрлей алады.
Петицияны қолдайтын біздермен бірге жаңадан ашық тыңдау өткізілуі тиіс.
Сот шын тәуелсіз болса, өзінің тәуелсіздігін көрсетсін.
Олай болмаса, халықтың бейбіт шеру мен басқа да қоғамдық шара өткізуіне конституциялық құқығы бар.
Ертең күз келеді, қараңғы ерте батады. Сонда рұқсат етілмеген небір жиын көбеюі мүмкін.
Билік мұны ұғып отыр ма, білмеймін.
Дегенмен, билік қатты ойлануы керек.
Дерекккөз: Қазбек Бейсебаевтың Facebook-тегі парақшасы.
Фото: primerminister.kz.
Қазақшаға аударған: Айдын Олжаев.
