Белгілі журналист егеуқұйрық сияқты, білімсіз, азғын, топас, ашушаң адамдар қаланы қаптап барады деді
Алматы азғындар қаптаған жойқын конгломератқа айналып бара жатыр. Бұл туралы журналист, қазақ жазушысының қызы Гүлжан Ерғалиева Facebook парақшасында жазды. Оның айтуынша, мұндай адамдарды адам қатарына жатқызуға болмайды.
"Алматы маргиналды криминал қаптаған жойқын конгломератқа айналып барады. Олар көшеде чемпиондарды танымай пышақтап кете береді. Егеуқұйрық сияқты білімсіз, азғын, топас, ашушаң адамдар қаланы қаптап барады. Бір ақымақ автобус жүргізушісіне қол жұмсап, соның кесірінен аялдамадағы адамдар қайтыс болды. Қаланың сырт жағында осындай адамдар өмір сүреді. Олар, шынымен-ақ, егеуқұйрық сияқты 50 шаршы метр жерде 30 адамнан топталып өмір сүреді. Қалада қаңғырып кез келген жұмысты істеп жүреді. Топталып жүріп, ұрлықпен айналысады. Осындайлар өзіндік ережелері мен тәртіптерімен қаланы бағындыруға тырысқан субмәдениет қалыптастырып отыр. Олардың идеологиясы - кедей адамға бәрі болады. Біз елдің құрбаны боп отырмыз! Бізге бәрі - билік, алматы тұрғындары, байлар, ақылдылар барлығы қарыздар. Мұндай нәрсе 1917 жылы болған еді. Ресейде "Слово пацана" фильмі талқыланып жатса, бізде "Шеттегі соғыс" қаупі туып отыр", - деді ол.
Ерғалиева осыған байланысты билік өкілдері мен құқық қорғаушыларға ұсыныс жасады.
"Құқық қорғаушы органдарға осы тақырыпты зерттеп, шаралар қабылдау керек. Осындай азғындар Алматының қоғамдық жерлеріне мұрнын сұқпауы керек. Оларға қаланың шетінде бөлек Гарлем салынсын", - деді Г.Ерғалиева.
Еске сала кетсек, бұған дейін Алматыдағы автобус апатынан үш адам мерт болғаны хабарланған еді. 22 желтоқсанда сағат 18:15-те №47 бағыттағы қоғамдық көліктің жолаушысы көлікті басқарған әйел жүргізушіні ұрып, жанжал салдарынан жүргізуші есінен танып қалған. Салдарнан автобус аялдама маңында тұрған адамдарды қағып, төрт көлікпен соқтығысқан. Қоғамдық көлік жүргізушісін ұрған ер адам ұсталды.
Фото: rus.azattyq.org.
