Айта кетері, 2021 жылдың соңында денсаулық сақтау жүйесіндегі кәсіпкерлік қызмет саласында жаңа реттеу саясатын енгізуге бағытталған заң күшіне енді
Денсаулық сақтау министрлігі "Атамекен" ҰКП және бизнес-қоғамдастық сарапшыларымен бірлесіп , 408 реттеуші актіге талдау жасап, кәсіпкерлерге қойылатын 1600-ге жуық талапқа өзгеріс енгізу қажеттігін анықтады.
"Денсаулық сақтау" саласында 300-ден астам реттеуші акті бар, олар кәсіпкерлік саласындағы 14000-нан астам міндетті талапты анықтайды. Оның ішіндегі 110 реттеуші актіде айқындалған 1600-ге жуық талапқа өзгеріс енгізілуі қажет", - деп хабарлады денсаулық сақтау министрлігінің баспасөз қызметі.
Ведомство денсаулық сақтау саласындағы жаңа реттеуші саясатқа көшу кәсіпкерлік субъектілері үшін әкімшілік тосқауылды төмендетуге және мемлекеттік бақылаудың тиімділігін арттыруға ықпал ететінін атап өтті.
"Таза парақтан" реформасын енгізу реттеуші актілерді тұрақты негізде қайта қарауды қамтамасыз ететін Міндетті талаптар тізілімін сапалы қалыптастыруға мүмкіндік береді", - деп түсіндірді мамандар.
Айта кетері, 2021 жылдың соңында денсаулық сақтау жүйесіндегі кәсіпкерлік қызмет саласында жаңа реттеу саясатын енгізуге бағытталған заң күшіне енді.
