![](https://imagesratel.kz/cdn/innermain/i/2024/July/19/bad4b30716ed159ba836f51686e1faa045ac0146.jpg)
Гранттар конкурсына құжат қабылдаудың аралық қорытындылары жарияланды
Қазірге дейін ел бойынша талапкерлерден гранттар конкурсына шамамен 90 мың өтініш қабылданды, деп хабарлайды Қазақстанның Ұлттық тестілеу орталығы.
Қазақ жастары таңдаған білім беру бағдарламаларының ішінде бірінші орында - педагогикалық ғылымдар. Қазіргі уақытта 23 714 өтініш қабылданды.
Екінші орында инженерлік, өңдеу және құрылыс салалары үшін мамандар даярлау бағдарламалары – 14 741 өтініш.
Ал үшінші орында ақпараттық-коммуникациялық технологиялар – 12 563 өтініш.
2023-2024 оқу жылына жоғары білім беру бағдарламалары бойынша оқуға 78 219 грант бөлінді, соның ішінде ҚР Үкіметі айқындаған өңірлерге қоныс аударатын ауыл жастары арасынан Қазақстан азаматтарын оқытуға – 3903 грант.
Сонымен қатар, халқы тығыз, батыс және қайта құрылған өңірлердің жастарын оқытуға 5000 мақсатты грант бөлінді, соның ішінде Атырау облысынан келгендерге – 1500 грант, Маңғыстау облысына – 2000 грант, Түркістан облысына – 600 грант, Абай облысына – 300 грант, Шымкент қаласына – 300 грант, Жетісу облысына – 300 грант, Ұлытау облысына – 300 грант келесі даярлау бағыттары бойынша: педагогикалық ғылымдар, математика және статистика, жаратылыстану ғылымдары, ақпараттық-коммуникациялық технологиялар, инженерлік, өңдеу және құрылыс салалары.
Барлық гранттардың 60%-ы инженерлік-техникалық мамандықтарға бөлінген.
Ең көп грант алған білім беру бағдарламаларының топтары "Инженерлік, өңдеу, құрылыс салалары", олардың саны 19 344 грант. Одан кейін "Педагогикалық ғылымдар" – 13 735 грант, "Ақпараттық-коммуникациялық технологиялар" – 10 903 грант, "Жаратылыстану ғылымдары, математика және статистика" – 8 288 грант.
Естеріңізге сала кетейік, барлық өңірлер үшін гранттар конкурсына құжаттарды қабылдау 13 шілдеде басталып, 24 шілдеге дейін жалғасады.
Фото: qyzpu.edu.kz.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!