Келлеровкадан келген команда Египеттегі бес жұлдызды қонақ үйде бір апта демалыспен марапатталды
Көкшетауда Qazaq Oil компаниясының жыл сайын өтетін дәстүрлі Чемпиондар лигасы байқауының жеңімпаздарын марапаттау салтанаты өтті.
“Жылдың үздік жанармай құю стансасы” байқауы – жыл сайын өткізілетін, компания үшін маңызды дәстүрге айналған. Бұл байқау жанармай құю стансаларында жұмыс істейтін барлық қызметкерлерді біріктіріп, жоғары деңгейде қызмет көрсету мүмкіндігімен бірге құнды марапаттарға ие болу мүмкіндігін береді.
Байқау барысында барлық қатысушылар сатылымдары, тиімділігі мен көлемдеріне байланысты 4 лигаға бөлінді – А, В, С, D лигалары, бұл қала мен ауыл станциялары үшін тең жағдай жасауға мүмкіндік береді. Байқау – қызмет көрсету жылдамдығы, жұмыс тиімділігі және қызметкерлердің сыпайылығы сияқты критерийлер бойынша бағаланды. Сонымен қатар, “жасырын клиент” тексерулері де қызмет деңгейін бағалау үшін маңызды болды.
Биыл қатарынан екінші жыл Т-052 станциясы жеңіске жетіп, компанияның Үздік жанармай құю стансасы атағына ие болды. Келлеровкадағы бұл станцияда 13 адам жұмыс істейді екен, олар түгел тайлы-тұяғымен Египетке демалуға аттанады.
Qazaq Oil компаниясының HR директоры Анвар БЕКНАЗАРОВ жеңімпаздарды құттықтап, олардың бұл жетістігі – қажырлы еңбек, бірлік және мінсіз қызмет көрсетуге деген ұмтылыстың нәтижесі екенін атап өтті.
“Біз үшін әр қызметкеріміздің үлкен команданың бөлшегі екенін сезініп, өзі қосып жатқан үлесінің лайықты бағаланатынын көргені маңызды. Чемпиондар лигасы – бұл әділ бәсеке, мұнда ең күштілер жеңеді, және біз еңбектеріңізді лайықты марапаттармен бағалай аламыз”, - деді ол. Сонымен қатар, ол жаңа байқау басталғанын және барлық жанармай құю стансалары өз нәтижелерін жетілдіруге бағытталған жұмыстарын жалғастыра алатынын айтты.
Qazaq Oil компаниясының Ақмола және Қостанай облыстары бойынша филиалы директоры Қайсар АБРАХМАНОВ Т-052 станциясының жеңісі команда жұмысының нәтижесі екенін және станцияның мұнай өнімдері мен тауар сатылымы, чектер мен конверсия көрсеткіштері бойынша көшбасшы болуына мүмкіндік бергенін атап өтті. Сонымен қатар, мұнда инновациялық технологиялар белсенді түрде енгізілуде – қызметкерлердің жұмысын талдау үшін жасанды интеллект пайдаланылады. Касса зонасында сөздік аналитика датчиктері орнатылып, қызмет көрсету сапасын бақылап, клиенттердің сенімін арттыруға мүмкіндік берілген.
Т-052 станциясының менеджері Людмила ВЕРЧИНСКАЯ команда жетістіктерінің құпиясымен бөлісті: “Біз жеңісімізбен мақтанамыз және күн сайын жетіле түсуге ұмтыламыз. Біздің басты мақсатымыз – тұрақтылық, бірлік және әр клиентке ерекше назар бөлу. Биыл біз Қатарда болдық, енді бізді Египет күтіп тұр!” деп мәлімдеді.
Бас жүлде – Египеттегі бес жұлдызды қонақ үйде бір апта демалу. Бұл – A лигасының үздік қызметкерлері үшін ерекше сый болды. Сонымен қатар, Чемпиондар лигасының жеңімпаздары ақшалай сыйақылар, тұрмыстық техника сатып алуға сертификаттар және басқа туристік жолдамалармен марапатталды.
“Біз үшін клиенттерді сапалы отынмен қамтамасыз етіп, жоғары деңгейде қызмет көрсету ғана емес, сондай-ақ күшті әрі ынталы ұжым құру өте маңызды. Чемпиондар лигасы – бұл жай ғана бәсеке емес, желі аясындағы ең үздіктерді табу. Біз жеңімпаздарымызбен мақтанамыз және олардың еңбегі мен адалдығы лайықты марапаттарға ие екенін қуанышпен айта аламыз”, - деді Qazaq Oil компаниясының қоғаммен байланыс қызметінің жетекшісі Анель ЕЛІКБАЕВА.
Qazaq Oil биыл да чемпиондарын марапаттау дәстүрін жалғастырады. Бірінші тоқсанның қорытындысы бойынша жаңа финалистер анықталып, олар жылдың соңына дейін жанармай құю желісі ішіндегі үздік команда атағы үшін бәсекелесетін болады.
Компания жыл сайын қызмет көрсету сапасы, деңгейі мен тауар ассортиментінің жақсаратынына және қызметкерлердің одан әрі жетілуге ұмтылатынына сенімді. Себебі Qazaq Oil Чемпиондар лигасы сияқты байқаулар командаларды жоғары стандарттарға жетуге ынталандырып қана қоймай, қызметкерлер арасында бәсекелестік рухын сақтауға көмектеседі, бұл өз кезегінде клиенттердің сенімін нығайтуға ықпал етеді.
Фото: Qazaq Oil.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
