65 жастағы қызылордалық 1 наурыз күні Сеул - Алматы транзитімен Оңтүстік Корея мемлекетінен ұшып келген
Осы уақытқа дейін өздерін қауіпсіз аймақ тұрғындары сезініп келген қызылордалықтар арасында бүгін кәдуілгі паника басталғандай.
Бүгін Қызылорда облыстық тауарлар мен көрсетілетін қызметтердің сапасы мен қауіпсіздігін бақылау департаменті Қызылордада коронавирус инфекциясының 1 жағдайы тіркелгенін ресми мәлімдеді.
65 жастағы қызылордалық 1 наурыз күні Сеул - Алматы транзитімен Оңтүстік Корея мемлекетінен ұшып келген. КВИ бойынша қолайсыз елден келуіне байланысты 14 наурызға дейін карантинді стационарда бақылауда болып, қанағаттанарлық жағдайда үйіне шығарылған. Кеше, 27 наурыз күні, ол денсаулығына шағымы бойынша облыстық жұқпалы аурулар ауруханасына жатқызылған. ПЦР анализі әлгі тұрғыннан ковид-19 вирусы барын дәлелдеді.
Бүгінде науқаспен қарым-қатынаста болған адамдар (барлығы 30 адам) анықталып, барлығы медициналық бақылауға алынды.
