Қазақстанның оңтүстігінде тағы да жаман нәрсе болды
Екі дос болған. Екеуі де қырыққа келген. Ақыры бірін-бірі көрместей боп кетеді деп кім ойлаған?
Шардарада тұратын досына көрші ауданда тұратын жан досы қонаққа келіп, бір апта жатты үйінде. Сосын екеуі су қоймасына балық аулауға барған екен. Ол жерде де арақ пен сыраны өлгенше сімірген. Кешке қарай әбден масайып, оттай бастаған қонақты түлен түртіп, ол досына "мен бір апта үйіңде құр жатпай, әйеліңді "нетіп" қойдым" деп бөскен екен! Бұл сұмдықты ести сала досы оны сол жерде итше тепкілеп тастады. Тіпті онымен де шектелмеген боп шықты.
Таң ата есін жиып, жағада жалғыз қалған жәбірленуші жалма-жан полицияға қарай жүгірді. Күдіктіні полицейлер тез тапты. "Мүйізі қарағайдай" ұсталған жігіт не істегенін мойындағанда тіпті полицейлердің төбе шашы тік тұрды. Ұрып-соқса бір жөн ғой, бұл қонаққа келген досына оң қолының ең ұзын үш саусағымен "сексуалдық сипаттағы зорлық әрекетін" көрсеткен екен. Бұл деген енді жай "бұзақылық" емес, ҚР Қылмыстық кодексінің "жәбірленушінің дәрменсіз күйін пайдаланып еркек пен еркектің жыныстық қатынасы" деген 121 бабы.
Медициналық сараптама зорлықтың болғанын растап берді.
Шардара тұрғыны сотта қасқайып тұрып жасаған қылмысын сүйінші сұрағандай болып мойындады. "Өкінбек түгілі, бір грамм да кешірім сұрамаймын" деді.
"Жәбірленіп" қалған жігіттің де кешіре қоятын жайы жоқ еді.
Бұл екеуі қалған қысқа ғұмырында өлсе де қайтып дос болмайды енді.
Келес аудандық соты бұл ұятсыздау қылмысты дәлелденді деп таныды. "Үш саусақ иесі" бес жылға бас бостандығынан айырылды. Сотталған азамат сондай-ақ жарты миллион теңгені процессуалдық шығындарға және жәбірленушілерге өтемақы қорына 73 840 теңге төлеуі керек болды.
Үкім әлі заңды күшіне енген жоқ.
Фото: ЖИ.
Аударған А.Олжаев.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
