Қазақстанда бизнесті қолдау мақсатында жаңа Кепілдік қор жұмысын бастады
“Даму” қоры жеке кәсіпкерлікті қолдау мақсатында Кепілдік қор бағдарламасын іске қосты. Кепілдік қор бизнес үшін несиелендірудің қолжетімділігін арттыруға бағытталған және қайтарылмайтын принцип бойынша кепілдіктер беру мүмкіндігін қарастырады, бұл өз кезегінде кепілге қояр дүниесі жоқ кәсіпкерлердің несие алуын айтарлықтай жеңілдетіп, жылдамдатады.
Қордың капиталы “Даму” қорының салымдары, екінші деңгейлі банктердің жыл сайынғы жарналары, мемлекет, ірі бизнес және басқа қатысушылардың қаражаты есебінен қалыптасады.
Кепілдік қордың алғашқы қатысушысы – Жамбыл облысындағы жеке кәсіпкер Олег ПАНКЕЕВТІҢ ASATU макарон өнімдері шығаратын жобасын қаржыландырған – ЦентрКредит Банкі болды. Ол – “Даму” қорының алғашқы кепілдігін пайдаланған кәсіпкер болды.
- ЦентрКредит Банкі мен “Даму” Кепілдік қоры бізге айтарлықтай қолдау көрсетті. Қордың жаңа кепілдігі арқасында біз жаңа өндірістік цех салуға қаржы ала алдық, Кепілдік қор белгілі бір тәуекелдерді өз мойнына алды. Бұл біздің бизнесіміз үшін маңызды қолдау болды, және қаражат алу процесі әлдеқайда жеңіл әрі жылдам болды. Жоба ТОО Mark Of Perfection компаниясымен бірге жүзеге асырылып жатыр, ол дайын өнімдерді сату және жабдықтар жеткізу бойынша серіктесіміз. Сонымен қатар, жоба жаңа жұмыс орындарын ашуға мүмкіндік береді және аймақ экономикасының дамуына ықпал етеді, - деп атап өтті кәсіпкер Олег Панкеев.
Айта кетейік, бағдарламаны жұмыс істеп тұрған микро-, шағын, орта және ірі бизнес субъектілері, мерзімі өтіп кеткен салықтық және несиелік қарыздары жоқ кәсіпкерлер пайдалана алады. Инвестициялық мақсаттарға арналған несие – 7 млрд теңгеге дейін, айналым қаражатын толықтыруға – 3,5 млрд теңгеге дейін, сондай-ақ қор кепілдігімен қарызды қайта қаржыландыру мүмкіндігі бар. Кепілдік мөлшері – несие сомасынан 85%-ға дейін, бірақ 3,5 млрд теңгеден аспауы керек, кепілдік үшін жыл сайын 1,5% комиссия төленеді.
- Біз сенімді қаржылық серіктес ретінде мемлекеттік бастамаларға белсене қатысып, кәсіпкерлерді қолдап келеміз. Бұл бағдарлама қосымша көздерден қаражат тарту арқылы мемлекеттік бюджеттің жүктемесін азайтуға, кепілдіктер арқылы қолдау алатын бизнес субъектілерінің аясын кеңейтуге және банктік өтімділігін экономиканың айналымында тиімді пайдалануға көмектеседі, - деп түсіндірді “ЦентрКредит Банкі” АҚ президенті Руслан ВЛАДИМИРОВ.
“Даму” қоры арқылы кәсіпкерлерді қолдау бағдарламасы іске сәтті қосылды. ЦентрКредит Банкі бизнесті қолдау және дамытуға бағытталған қаржыландыру және мемлекеттік кепілдіктер алу үшін тиімді шарттар ұсынады.
Қосымша ақпаратты 605 нөмірі арқылы call-орталықтан немесе банктің бизнес-клиенттеріне арналған филиалдарынан алуға болады.
Лицензия № 1.2.25/195/34 03.02.2020 ж. ҚР Қаржы нарығын реттеу және дамыту агенттігі берген.
Фото: ЦентрКредит Банкінің баспасөз қызметі.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
