Казақстандық TV 2025 жылдың екінші тоқсанында сатылымға шығады
Қазақстанда премьер-министрдің бірінші орынбасары боп тұрған Роман СКЛЯР дейтін шенді Samsung Electronics Central Eurasia компаниясының президенті Юджин ДЖОНГПЕН кездесу өткізді, деп хабарлайды ҚазАқпарат.
Үкіметтің баспасөз қызметінің мәліметінше, кездесуде тараптар ынтымақтастықтың өзекті мәселелерін талқылады.
Роман Скляр жергілікті өндірушілерді жаһандық жеткізу тізбегіне енгізу, оқшаулауды тереңдету, өндірістің өсімін қамтамасыз ету және шығарылатын өнім номенклатурасын кеңейту жұмыстарын жалғастырудың маңыздылығын атап өтті.
Фото: Үкімет.
Кездесу аясында Samsung Electronics Central Eurasia мен Silkroad Electronics зауыты арасында келісімге қол қойылды, оның шеңберінде Samsung компаниясының алғашқы қазақстандық теледидарлары 2025 жылдың екінші тоқсанында сатылымға шығады.
Бұл жоба отандық машина жасау саласы үшін қосымша мүмкіндіктер ашып, жоғары білікті жаңа жұмыс орындарын ашуға септігін тигізеді.
Сондай-ақ кездесу барысында тұрмыстық техника өндірісі және тығыз кооперациялық байланыстарды одан әрі дамыту саласындағы басқа да бірқатар мәселе талқыланды.
Фото: Мақсат Шағырбаев / Kazinform.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
