Бұл тапсырманы орындау үшін мемлекет басшысы 390 млрд теңге бөлінетінін мәлім етті
Мемлекет басшысы Қасым-Жомарт Тоқаев тұрғын үй мәселесін шешу үшін "5-10-20" бағдарламасын іске қосуды тапсырды, деп хабарлайды ҚазАқпарат.
"Үшіншіден, экономиканың өсімі мен жұмыспен қамтудың және әлеуметтік қолдаудың қуатты стимулы – қолжетімді тұрғын үй құрылысы болуы керек. Елбасы бастаған "7-20-25" бағдарламасы тұрғын үй құрылысы бойынша ипотекалық несиелеуге үлкен серпін берді. Кезекте тұрған адамдарды несиелік тұрғын үймен қамтамасыз ету үшін жаңа "5-10-20" бағдарламасын іске қосуды тапсырамын", - деді президент төтенше жағдайды қамтамасыз ету бойынша мемлекеттік комиссия отырысында.
Бұл тапсырманы орындау үшін мемлекет басшысы 390 млрд теңге бөлінетінін мәлім етті.
"Биыл елде рекордық деңгейдегі – 15 млн шаршы метр немесе 150 мың үй мен пәтер салынады. Азаматтарымыздың тұрғын үй жағдайын жақсарту жұмысын жалғастыру керек. Бұл – Үкіметтің стратегиялық бағыттарының бірі", - деді президент.
