Бірреттік масканы қайта тақпаңыз
ҚР Денсаулық сақтау министрлігі медициналық масканы дұрыс тағу бойынша кеңестерін берді, деп хабарлайды ҚазАқпарат.
Масканы дұрыс тағудың 10 ережесі:
1. Масканы тақпас бұрын, қолыңызды спирт, антисептикпен сүртіңіз немесе сабынмен жуыңыз;
2. Масканың металды қысқышын немесе қалың жерің жоғары қаратып тағыңыз;
3. Әдетте, масканың сыртқы жағы қанық түсті болады. Боялмаған бетін ішке қаратып тағыңыз;
4. Масканың металды қысқышын мұрынның формасына ыңғайлаңыз;
5. Маска мұрын, ауыз, иекті жауып тұруы тиіс;
6. Масканы мұрын мен ауызды толық жауып тұратындай, бет пен масканың арасы ашық қалмайтындай етіп тағыңыз;
7. Масканы қолмен ұстамаңыз. Ұстайтын болсаңыз, қолыңызды тазалап сүртіңіз немесе жуыңыз;
8. Маскаңыз сулана бастаса, дереу ауыстырыңыз;
9. Бірреттік масканы қайта тақпаңыз;
10. Масканы құлақ артындағы резеңкесінен (масканың алдынғы бөлігін ұстамай) ұстап шешіңіз және бірден қоқысқа лақтырыңыз. Кейін қолыңызды сүртіңіз.
