Сосын мәйітті көлігіне салып алып, бір күн бойы тасыған
Бастығын өлтіруді төрт ай жоспарлаған. Көкшетауда әріптесінің қолынан қаза тапқан Жанболат КЕНЖАХМЕТОВТЫҢ туыстары қанды қылмыстың жай-жапсарын айтты, деп хабарлайды КТК телеарнасы.
41 жастағы марқұм он күн бұрын із-түзсіз жоғалып, зорлық-зомбылық белгілерімен өлі табылған.
- Алдында аңдып жүргені де содан, қолайлы сәт іздеп жүрген. Неше айдан бері ойластырып. Жалғыз өзі істеген жоқ. Немесе басқа біреулерді апарып, дайындап қойды. Лудоман болған деді, - дейді марқұмның анасы Халида ИГЕЛДИЕВА.
23 жастағы күдікті бастықтың ұрысқанын көтере алмай, осы қылмысқа баруы мүмкін дейді қара жамылған ана.
8 мамыр күні түскі сағат үште қаза болған Жанболат Кенжеахметов күдіктінің көлігіне отырыпты. Көше мен тұрғын үйлердегі бейнебақылау камералары арқылы қылмыскердің ер адамды гаражға апарып өлтіргені анықталған. Сосын із жасыру үшін мәйітті бір күн бойы көлігінің салонына салып жүрген.
Осыдан он күн бұрын жұмысқа кетіп, қайта оралмаған көкшетаулық азаматтың мәйіті қинау белгілерімен табылған еді. Көп ұзамай полиция қызметкерлері күдікті ретінде марқұмның әріптесін қамауға алды.
Фото: КТК телеарнасы.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
