Қарыз алушының ай сайынғы отбасылық табысы 550 000 теңгеден аспаса, 15% бастапқы жарнамен кредит ала алады.
Ал отбасының ортақ кірісі айына 550 001 теңгеден 630 000 теңгеге дейінгі аралықта болса, тұрғын үй 20 проценттік алғашқы жарнамен беріледі.
Бағдарлама бойынша 30 миллион теңгеге дейін займ алуға болады. Проценттік мөлшерлеме 13,5% (сыйақының жылдық тиімді мөлшерлемесі 14,5%-тен бастап) кейін 5%-ке дейін (сыйақының жылдық тиімді мөлшерлемесі - 5,2%-тен бастап) төмендетіледі.
"Ұмай" бағдарламасы бойынша қарыз алу мерзімі - 6 айдан 25 жылға дейін. Тұрғын үй таңдауына шектеу жоқ. Оны алғашқы және екінші нарықтан, соның ішінде үлестік қатысу шарттары бойынша сатып алуға болады.
Сондай-ақ осы бағдарлама баспананы жөндеу жұмыстарына да 3,7 миллион теңгеге дейінгі қарыз алу мүмкіндігі қарастырылған.
