Қорғаушының халық үшін маңызды посты
Адвокат Джохар Өтебеков өзінің Facebook парақшасында оқырмандар үшін өзекті мәселені тілге тиек етті. Ол негізінен әлеуметтік төлем - 42500-ді алушылар жауапкершілігіне қатысты болып отыр. Қорғаушы әлгі төлемді заңсыз алдым деп қорыққан халықтың үрейін басуға тырысты.
"Маған осы 42500 теңгеге қатысты сіздерден өте көп сауал түсті. Мен халық үшін маңызды пост жазбақпын. Ең әуелі бойдағы үрейден арылыңыз. 42500-ді қайтарам деп жанұшыра жүгірудың қажеті жоқ. /Бұл алғандардың бәріне қатысты, қазір ол жағын таратып айтамын.
1. Егер сіз 42500-ге сұрау салмай, келген смс хабарлама арқылы қол жеткізген болсаңыз, онда сізді ешкім қылмыстық жауапкершілікке тарта алмайды. Тіпті сіз алушылар санатында болмасаңыз да; өйткені мемлекет қаржыны өзі аударып отыр.
Қаражатты сот арқылы өндіре де алмайды. Жәрдемақыны алуға негіздемеңіз болмаса да, мұндай төлем қайтаруға жатпайды ӘК-тің 960-бабы бойынша, бұл ретте сіздің санатыңыз бен кірісіңіз маңызды емес.
2. Сіз үшін өтінімді жұмыс беруші ұсынды. Бұл да солай. Сіз тарапыңыздан қателік жоқ.
3. Жеке кәсіпкер/ЖК/ ретінде 16 сәуірге дейін өтінім бердіңіз бе? Қорқатын дәнеме де жоқ.
Наурыз айында кірісін жоғалтпаған жеке кәсіпкерді көрсетіңізші маған. Тіпті жұмыс жасауға рұқсаты барлардың өзі наурыз айында кіріссіз қалды. Ал, сіздің қызметіңіз шектелгені ақиқат.
4. Азаматтық-құқықтық сипаттағы /ГПХ/ қызмет те ЖК секілді. Мерзімі де маңызды емес.
5. Бірегей әлеуметтік төлем/ЕСП/ енгіздіңіз бе? Тіпті керемет! Қызықтың бәрін қазір айтамын.
Замандас, неден қорқасың? Кірісіңді ешкім де тексере алмайды! Мемлекет бұл жолы кім салық төлемесе, сол ұтатынын осы жолы тағы да көрсетті.
Осы санатта сұрақтарыңыз болса, мәрхабат, жауап беруге дайынмын!
P.S. Ал, жұмыс істеп жүріп өз бетімен өтінім бергендер үшін сәл күрделілеу – ол жөнінде келесі поста жазатын болам. Алайда оларға да еш қорқудың қажеті жоқ!".
Дереккөз: Джохар Утебековтың Facebook парақшасынан алынды. Автордың рұқсатымен жарияланып отыр.
Фото: hommes.kz.
