18 қыркүйек күні Лас-Вегаста IBF және WBA бойынша әлем чемпионы Геннадий Головкин мен мексикалық Сауль "Канело" Альварес арасындағы үшінші жекпе-жек өтеді
Димаш Құдайберген Лас-Вегаста GGG - Canelo 3 жекпе-жек алдында Қазақстанның әнұранын орындайды, деп хабарлайды ҚазАқпарат.
"Еліміздің біртуар спортшысы Генадий Головкиннің арнайы шақыртуымен 17 қыркүйек күні Лас Вегас қаласында өтетін GGG - Canelo 3 жекпе-жек алдында, Димаш Құдайберген Мемлекеттік әнұранымызды орындап батырымызға қолдау көрсетуі жоспарлануда", - деп жазылған dimash.news сайтының желідегі парақшасында.
Айта кетсек, 18 қыркүйек күні Лас-Вегаста (АҚШ, Невада) IBF және WBA бойынша әлем чемпионы Геннадий Головкин мен мексикалық Сауль "Канело" Альварес арасындағы үшінші жекпе-жек өтеді.
Бокс әлемінде жылдың басты жекпе-жегі саналған трилогияны "Qazaqstan" және "Qazsport" арналары тікелей эфирден көрсетеді.
Жекпе-жек Нұр-Сұлтан уақытымен 18 қыркүйек күні сағат таңғы 05:00-де басталады.
Боксшылар бұл кездесуде екінші орта салмақтағы абсолютті әлем чемпионы атағын сарапқа салады.
Фото: instagram.com/dimash.news.
