Шоу Қазақстандағы ең ірі спорт ғимараттарының бірі – Орталық стадионда өтеді
Әлемге танымал қазақстандық әнші Димаш Құдайберген Алматыда концерт беретінін мәлімдеді.
"Құрметті достар! Алматы қаласында "Stranger" атты концертім өтеді! Бұл менің оңтүстік астанада ұйымдастырылатын алғашқы жеке шығармашылық кешім",- деп жазды Димаш Құдайберген әлеуметтік желіде.
Әншінің жеке концерті 2022 жылғы 23 қыркүйекте өтеді.
"Шоу Қазақстандағы ең ірі спорт ғимараттарының бірі – Орталық стадионда өтеді. Құрметті тыңдармандарыммен туған елімде қайта кездесетініме қуаныштымын! Сіздерді асыға күтемін!", - деді Димаш.
Билет сатудың басталғаны туралы ақпарат Димаш Құдайбергеннің ресми жаңалықтар порталы – DimashNews.com-да жарияланады.
Еске салсақ, биыл Димаш Құдайберген үлкен халықаралық концерт турына шықты.
25 наурызда әртіс Дубайдағы Coca Cola Arena концерт кешенінің сахнасында ән айтты.
8 сәуірде концерт турын жалғастыру үшін Германияға барды.
24 сәуірде Чехияда концерт берді.
