Drive-thru, 22% өсім және ендігі “мини” деуге келмейтін минимаркеттер
Qazaq Oil ауқымды ребрендинг бастаған еді. Компания жанармай құю станцияларын жаңартумен шектелмей, минимаркет форматын түбегейлі өзгертті. Қазір Dala Market брендімен еліміз бойынша 348 жанармай құю бекетінде іші кең, жарық сауда орындары ашылып, онда жолда қажет болуы мүмкін тауардың бәрі тұратын болды – жеңіл-желпі тамақ пен сусыннан бастап, көлікке керек заттар түгілі әдеби кітаптар да сатылады.
Не өзгерді? Не өзгермеді деуіміз керек. Сауда алаңдарының аумағы еселеп ұлғайды – бұрын орта есеппен 15 шаршы метр болса, қазір 40-60 шаршы метрге дейін жетеді. Кейбір флагман-бекеттерде сауда алаңы тіпті 200 шаршы метрге дейін кеңейіп, жолаушыларға нағыз “шопинг-брейк” жасауға мүмкіндік береді.
Көбейген сөрелерде тауар да көбейді. Dala Market гастрономия жағын қатты дамытып, тауар ассортиментін кеңейтуде, әрі дәл қазір өзінің мынадай жекелеген брендтеріне басымдық беріп отыр:
- QAZAQ OIL – маусымдық терезеге шашатын сулар, ылғал майлықтар, антифриз түрлері мен хош иістер;
- TULPAR – энергетикалық сусындар мен ауыз су;
- Q-лимонад және Q-шай (0,5 және 1 литр көлемде).
Айтпақшы, осы өнімдердің бәрі минимаркеттерге уақытында жеткізіліп тұруы үшін Dala Brand дейтін стратегиялық серіктеспен бірлесіп, тиімді логистикалық тізбек құрылды. Бүгінде Dala Market халық тұтынатын тауарларды жеткізетін 330-дан астам жеткізушімен жұмыс істейді: сөрелер тауарға толы, айналым жылдам, өнімдердің балғындығына қатысты шағым жоқ.
Клиенттер мұндай қамқорлықты бағалап үлгерді: 2024 жылы бір жанармай бекетіне келушілер саны 2023 жылмен салыстырғанда 11%-ға артты, ал табыс 22%-ға өсті. Жай ғана минимаркеттер сияқты көрінгенімен, олар бүкіл желінің жұмыс ырғағын өзгертті.
Алда не күтіп тұр? 2025 жылы жаңғыртылған жанармай бекеттерінде drive-thru жүйесі іске қосылады – бұл форматта тауарды көліктен шықпай-ақ тапсырып, алып кетуге болады. Жылдам, ыңғайлы және ешқандай кезексіз. Жүйе екі кезеңмен жұмыс істейді: алдымен тапсырыс беру, одан кейін төлеу және тауарды алу. Fast food индустриясында кең таралған бұл технология қазақстандық автокөлік иелерінің қажеттіліктеріне бейімделмек.
- Drive-thru форматы – біздің қызмет көрсету жайлылығы мен жылдамдығын арттыру стратегиямыздың логикалық жалғасы. 2025 жылы алғашқы жаңартылған жанармай бекеттері бұл жүйемен ірі қалаларда жұмысын бастайды. Біз бұл концепцияны жүргізушілердің қажеттіліктеріне сай бейімдедік: кофе мен хот-догтан бастап, тиімді комбо-жинақтарға дейін – оның бәрін көліктен түспей-ақ алуға болады. Сонымен қатар, біз Dala Market тауарларын кәдімгі жеткізу сервистері арқылы үйге немесе кеңсеге жеткізуді іске қосуға дайындалып жатырмыз. Бұл клиенттерімізге кез келген уақытта сапалы өнімді жылдам әрі ыңғайлы түрде алуға мүмкіндік береді, - дейді Qazaq Oil компаниясының операциялық директоры Иван МЕЛЬНИЧЕНКО.
Бүгінде Dala Market – бұл сапалы өнім сататын жер, жол үстіндегі ойластырылған ритейл және инфрақұрылымды заманға сай етудің жарқын мысалы. Бірақ бұл минимаркеттер – трансформацияның жай ғана бір бөлігі екенін ұмытпау керек. Басты назарда Qazaq Oil жанармай бекеттері тұра береді – отын сапасын, қауіпсіздікті және заманауи сервисті қамтамасыз ететін инфрақұрылымдық нысандар ретінде.
- Біз тек инфрақұрылымды жетілдірумен шектелмей, жанармай бекетінің айналасында цифрлық экожүйе құруды мақсат етеміз. Дауыстық аналитика арқылы біз күн сайын сервис стандарттарының сақталуын бақылаймыз және клиентпен қарым-қатынастағы жетілдіруге болатын тұстарды қарастырамыз. Vlife мобильді қосымшасында ұсыныстар мен кеңес беру жүйесі жұмыс істейді – бұл бізге жүргізушілердің қалауын тереңірек түсінуге және оларға дәл қажетті өнімді ұсынуға көмектеседі. Ал қосымша арқылы байланыссыз жанармай құю – бұл ыңғайлық пен қауіпсіздік: жанармай бекетін, отын түрі мен көлемін таңдап, төлем жасап, көліктен шықпай-ақ жанармай құюға болады, - дейді Иван Мельниченко.
Qazaq Oil клиенттері фирмалық Tulpar отынын құя алады – бұл жанармай халықаралық экологиялық және техникалық талаптарға сай келеді, Қазақстанның әртүрлі климаттық аймақтарында қолдануға жарамды және әр кезеңде – сақтаудан бастап, көлік багына құйылғанға дейін сапа бақылауынан өтеді. Бұл – жүргізушілер әрдайым сене алатын нақты стандарт.
Сонымен қатар, әр станцияда Q-Cafe жұмыс істейді – жолға арналған тағамдар, ыстық сусындар және жаңа пісірілген өнімдер ұсынылатын жылдам тамақтану аймақтары. Бұл формат өте танымал болып кетті, енді ол жанармай бекетінің аясынан шығып, кофехана франшизасы ретінде дамып жатыр.
Осылайша, Qazaq Oil тек жанармай құю бекеттері деген ұғымды ғана емес, жолдағы сапардың өзін өзгертуде. Бұл енді жай ғана жанармай құятын жер емес – бұл дәмді тағаммен, ыңғайлы логистикамен және заманауи технологиялармен жабдықталған тартымды жер.
Dala Market, Q-Cafe, drive-thru және цифрлық қызметтер – мұның бәрі – әрбір жүргізушінің жолын жайлы, қауіпсіз және жағымды ету деген бір үлкен мақсаттың бөліктері. Әрі бұл әлі басы ғана болса керек.
Фото: Qazaq Oil.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
