Елдегі көліктердің жартысына жуығының шыққанына 20 жылдан асып кеткен
1 мамырдағы жағдай бойынша Қазақстанда тіркелген автокөлік құралдарының саны 5442,9 мың болды. Мұндай мәліметті ұлттық статбюро таратты, дейді inform.kz.
Оның ішінде:
- 88% — жеңіл автомобильдер
- 9,9% — жүк автомобильдері
- 2,1% — автобустар
Былтыр автокөлік бойынша 1 191,3 мың тіркеу жүргізілді, бұл 2022 жылмен салыстырғанда 1,6 есе көп.
2024 жылғы сәуірде есепке 157,9 мың автокөлік қойылды, бұл көрсеткіш өткен жылдың сәйкес кезеңімен салыстырғанда 7,9% кем.
Оның ішінде жеңіл автомобильдер 8,6%-ға азайды, жүк автомобильдері 2,9% кемісе, автобустар 15,3%-ға артқан.
Қазақстан автопаркінің көліктің шыққан жылы бойынша көрінісі:
- 20 жылдан асқан — 44,8%
- 10-нан 20 жылға дейін — 23,6%
- 7-дан 10 жылға дейін — 12,7%
- 3-тен 7 жылға дейін — 12,7%
- 3 жылға дейін — 6,2%
Фото: © Ratel.kz / Айдын Олжаев.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
