20 қаңтарда АҚШ-тың жаңадан сайланған президенті Дональд Трамптың инаугурациясы өтеді
Дина ШАЙХИСЛАМ есімді қазақ қызы АҚШ-тың жаңадан сайланған президенті Дональд ТРАМПТЫҢ инаугурациясына шақырту алды. Бұл туралы ол әлеуметтік желіде жазды, деп хабарлайды ErtenMedia.kz.
Дина Шайхислам – Назарбаев университетінің түлегі, саяси кеңесші, Childrens Development Foundation қоғамдық қорының негізін қалаушы.
Оған есімі жазылған арнайы шақырту келген. Ал бұл шақыртуды конгрессмен КОННЕЛЛИ жіберіпті. Хаттан бөлек, сол күнгі инаугурация бағдарламасы, партияның тарихы, Трамптың суреттері бар.
“Бүгін мен президент Трамп пен вице-президент ВЭНСТІҢ инаугурациясына ресми шақыру алдым”, - деді ол.
Айта кетейік, 2024 жылы Америка Құрама Штаттарында президент сайлауы өтті. Негізгі кандидаттар республикашылар атынан Дональд Трамп және демократтар атынан Камала ХАРРИС болды.
Бұл – елдің 47-ші президенті сайланатын 60-шы президенттік сайлау еді.
2025 жылы 20 қаңтарда АҚШ-тың жаңадан сайланған президенті Дональд Трамптың инаугурациясы өтеді.
Фото: instagram.com / dina_shayk.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
