Ішкі істер министрлігі қолданыстағы көлікті сатып алмас бұрын оның тарихын тексеріп алу керектігін ескертеді
"Автокөлік тарихы" онлайн сервисі іске қосылған сәттен қазақстандықтар 2 миллионнан астам көлік құралын тексерді, деп хабарлайды ҚазАқпарат Polisia.kz сайтына сілтеме жасап.
Ішкі істер министрлігі қолданыстағы көлікті сатып алмас бұрын оның тарихын тексеріп алу керектігін ескертеді.
Қазақстанда автокөлік тарихын онлайн-режимде көруге болады. Ішкі істер министрлігі іске қосқан "Автокөлік тарихы" қызметі көлікті сатып алып жатқанда оның тарихы туралы ақпарат алуға мүмкіндік береді:
– автокөліктің Қазақстанда алғашқы тіркелу күні;
– бұрынғы иелерінің саны;
– кепілдіктер мен ауыртпалықтардың бар-жоғы, сонымен қатар басқа да мәліметтер.
Қазіргі уақытта қызмет Smart Bridge-де орналасқан. Сервис "102" және "Halyk Bank", "Bereke Bank", "CenterCredit", "ForteBank" мобильдік қосымшаларында, сондай-ақ Aster.kz сайтында қолжетімді.
Алдағы уақытта ІІМ "Автокөлік тарихына" "бірыңғай сақтандыру деректер базасын" қосуды жоспарлап отыр. Бұл көліктің жол апатына ұшыраған-ұшырамағанын қосымша тексеруге мүмкіндік береді.
Фото: autostat.ru.
