Көптеген қазақстандықтар сауда саласында өз бизнесін ашуды армандаған болар, бірақ жанармай ритейлін қарастырғандар көп болмаған
Астанадағы The Ritz-Carlton қонақ үйінде Qazaq Oil компаниясы қонақтарды жинап, DODO (серіктес жанармай бекеттері) және Q-Cafe франчайзинг бағдарламаларының дамуы, сондай-ақ сервистік бизнестің экожүйесі туралы айтты. DODO бағдарламасы (Dealer Owned – Dealer Operated) 2021 жылдың ортасында іске қосылған. Қазақстандағы ең ауқымды жанармай құю бекеттері желісінің иесі Qazaq Oil клиенттерге, әсіресе корпоративтік сегментке, елдің кез келген жерінде сапалы және ыңғайлы жанармай құю мүмкіндігін ұсынуға ұмтылады.
Бүгінде компания 40 серіктес жанармай бекетін іске қосты, тағы 13 нысанда құрылыс жүріп жатыр. Qazaq Oil компаниясының бас директоры Төлеміс ШОТАНОВТЫҢ (суретте) айтуынша, биыл тағы 20 жаңа франчайзи тарту жоспарланған.
- Біз франчайзингтік бағдарламамызға деген сұраныстың жоғары екенін байқап отырмыз, жұрт бізге сенеді, - деп атап өтті Төлеміс Шотанов. - Серіктестеріміздің табысты болуы біз үшін маңызды. Біз оларға жанармай, non-oil тауарлар ұсынамыз, қаржылық модель құруға көмектесеміз, істі бастамай тұрып маркетингтік стратегия әзірлейміз, сондай-ақ заңгерлік және экономикалық қолдау көрсетеміз. Қысқаша айтқанда, жан-жақты сүйемелдеу жүргіземіз. Бұл табысты компанияның қолдауымен өз ісін дамытқысы келетін кәсіпкерлер үшін тиімді мүмкіндік. Біз тек жанармай бекеттерінің құрылысын ғана емес, Q-Cafe желісін кеңейтуді де сөз етіп отырмыз.
Өткен жылдан бастап компания жанармайсыз бизнесті қарқынды дамыта бастады. Алғашында жанармай бекеттерінің ішінен ашылған Q-Cafe кофеханалары енді қала орталықтарында және тұрғын үйлер тұрған аудандарда ашылып жатыр, олар кең ассортимент ұсынады. Мұндай орындарда өнімді сақтауға және тағам дайындауға арналған техникалық мүмкіндіктер көбірек. Әрбір кофеханада 50-ге жуық кофе мен шай түрі, сондай-ақ қазақстандық өндірістен шыққан 145 түрлі тамақ өнімдері бар. MERRYCHEF жылдам пештері бірнеше секунд ішінде мейрамхана деңгейіндегі тағамдар дайындауға мүмкіндік береді.
Qazaq Oil компаниясының операциялық директоры Иван МЕЛЬНИЧЕНКО Q-Cafe-ден жиі кофе ішетінін мойындайды:
- Q-Cafe франшизасы туралы айтатын болсақ, ол жанармай бекетінен тыс жерлерде де өз орнын тапты. Себебі, бұл – күшті бренд, сапалы өнім және тұрақты клиенттік база. Vlife бағдарламасы жанармай құю бекеттерінде де, қалалық кофеханаларда да жұмыс істейді, бұл тұрақты қонақтардың келуін қамтамасыз етеді. Сонымен қатар, кофехана ашуға салынатын инвестиция көлемі шамамен бес миллион теңгені құрайды, ал өзін-өзі ақтау мерзімі бір жыл шамасында. Мысалы, кеше біздің франчайзингтік кофеханалардың бірінде кітап кеші өтті, онда әдебиет сүйер қауым бестселлерлерді талқылады.
Qazaq Oil серіктесі, Шымкент қаласында үш жанармай құю кешенін ашқан Жандос ОРАЗАЛИЕВ те өз әсерімен бөлісті:
- Менің Qazaq Oil брендімен жұмыс істейтін үш кешенім бар, оның екеуі өзін-өзі толығымен ақтады. Үшінші бекетті бір жыл бұрын аштық, оған тіпті көп қаражат салып, асқан сүйіспеншілікпен кірістік. Ол бекетте ерекше муралы бар көркем безендіру тұр, онда Қожа Ахмет Ясауи кесенесі бейнеленген, сондай-ақ кең сауда алаңы мен ойластырылған сервисі бар. Мен үшін Qazaq Oil деген – сапалы жанармай, дәл өлшеп құю және қызмет көрсетудің жоғары деңгейі. Біз корпоративтік стандарттарды қатаң сақтаймыз және өз өңірімізде брендті дамытқанымызбен мақтанамыз.
Qazaq Oil өзінің франчайзингтік желісін одан әрі кеңейтіп келеді, кәсіпкерлерге жай ғана бизнес-модель емес, кезең-кезеңімен қолдау көрсетілетін дайын шешім ұсынады. DODO және Q-Cafe франшизалары Қазақстанда жанармай және сервистік бизнестің өсетін зор әлеуеті бар екенін дәлелдейді. Компания серіктестік желіні дамыта отырып, брендті одан әрі нығайтатынына сенімді, ал елдің кез келген түкпіріндегі клиенттер жоғары стандарттарға сай сапалы тауарлар мен қызметтер ала алады.
Фото: Qazaq Oil.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
