Халықтың қытығына қоймай тиіп жатыр
Утильалымға қатысты петицияны пысқырмады.
Бұл енді біреулердің мүддесі екені анық.
Сонысымен халықтың бір бөлігін ашуландырды.
Уақытты қайтару туралы петиция ол да қабылданбады.
Бұл қолдан жасалған проблема, бірақ билік қатты қырсығып отыр.
Бұл да көпшіліктің көңілін құртты.
Билік Индрайвер мен Яндекс таксиімен 50 шақырымнан артық жүруді шектемек.
Біздің халықтың көпшілігі таксилетіп күн көреді.
Бұл шешім бала-шағасын таксишілікпен асырайтындардың наразылығын тудыратыны сөзсіз.
Жақында үкімет сұйытылған газ бағасын көтерді.
Бұл да халықтың наразылығын тудырды.
Ел бойынша қоғамдық көліктің жол жүру құны қымбаттауда.
Бұл да қоғамдағы наразылыққа үлес қосты.
Жалпы, елде наразылық күшейіп барады.
Уақытты қайтару туралы петиция қабылданбады.
Жуырда бізге бір қоғам қайраткері қосылды.
Ол патриоттық ұрандарымен танымал еді.
Алайда күтпеген жерден екінші отырысқа қатысудан бас тартты, билік оған "бір жеріңді қыс" депті.
Бұрын сыншыл боп жүрген тағы бір танымал қайраткер күрт өзгеріп, билікті жақтай жөнелді.
Олардың бұлай қүрт құбылуы кездейсоқтық емес.
Бұларға біреу бірдеңе істеп жүр-ау.
Заңды сұрақ туындайды. Билік несіне халықты ашуландыру үшін барын салып отыр?
Шыдамымыз таусылып, морт кеткенімізді күтіп отыр.
Мұның немен аяқталатынын жақсы білеміз.
Екі жарым жыл бұрын үкіметтің газ бағасын көтергені елде толқу тудырып, жүздеген өмір қыршын кетті.
Жоғарыдағылар ондай қатерді түсіне ме, білмедік.
Анығы сол: біреу отқа май құйып жатыр.
Ол "біреу" кім, артында қандай күштер тұр, оларға не керек?
Бұл басы ашылмай тұрған сұрақ.
Елде бүліктің басталуына кешегі "тұңғыштың" маңайындағылар әлі де мүдделі болуы мүмкін.
Шынымен, Жаңа Қазақстан сонша жаман болса, ескісін неге қайтармаймыз?
Егер халық көтерілсе, сыртқы күштер оны міндетті түрде пайдаланады.
Күздің соңына қарай елдегі наразылық қатты күшейеді.
Билік түк болмағандай қамсыз.
Жалпы, жағдай жақсы емес. Жағдай қиын.
Тағы бір қырғын күтіп тұр-ау.
Енді ең бастысы – құрдымға кетіп тынбайық.
Дерекккөз: Қазбек Бейсебаевтың Facebook-тегі парақшасы.
Фото: ТАСС.
Қазақшаға аударған: Айдын Олжаев.
