13 қаңтарда эпидемиологиялық ахуалды бағалау матрицасына сәйкес аймақ "қызыл" аймаққа өтті
Құрметті Қарағанды облысының тұрғындары!
Бүгінгі таңда, пандемия басталғаннан бері коронавирустық инфекцияның 111 775 жағдайы тіркелді. 100 мың тұрғынға шаққанда сырқаттану көрсеткіші – 7844,6 құрады. Облыс бойынша репродуктивті сан бір күн бұрын бірліктен асып кетті, ал бүгінде ол 3,932 құрайды.
Соңғы күндері COVID-19 жаңа жағдайларының саны тәулігіне 820-ға дейін өсті. Орташа облыстық көрсеткіштен жоғары аурушаңдық Қарағанды, Теміртау, Балқаш, Саран, Шахтинск қалаларында және Абай ауданында байқалады.
Көбінесе 50 жастан асқан адамдар ауырады, олардың үлес салмағы – 55 %, еңбекке қабілетті жастағы адамдар – 30-49 жас екінші орында – 26%, 14 жасқа дейінгі балалар - 10 %. Сырқаттанушылықтың ең жоғары көрсеткіштері зейнеткерлер арасында – 33% және жұмыс істемейтіндер арасында – 26% тіркелді.
Облыста 18 жастан асқан 897 340 азамат вакцинациялауға жатады. 14 қаңтардағы жағдай бойынша бірінші компонентпен– 606 288 немесе 67,6% егілді, 563 019 адам немесе 67,2% вакциналаудың толық курсынан өтті.
"Комирнати" вакцинасымен (Pfizer/BioNTech компаниясы өндірген) 16 509 адам егілді.
Облыста "омикрон" жаңа штаммы әлі анықталған жоқ, бірақ ол Нұр-Сұлтан және Алматы қалаларында анықталды. Облыс астанамен көршілес орналасқандығын және халықтың жоғары көші-қонын ескере отырып, Қарағанды өңірінде "омикронның" әкелінуі мен айналымы жоққа шығарылмайды.
Омикрон штаммын жұқтырған кезде, ДДҰ мәліметтері бойынша, ауру дельта штаммымен инфекциядағыдай өтеді. Алайда, жаңа штаммның тез таралуы денсаулық сақтау жүйесіне жоғары жүктеме әкелуі мүмкін, және ДДҰ оның жалпы қаупін "өте жоғары"деп бағалайды.
"Омикрон" нұсқасының ерекшеліктері - жоғары жұқпалы таралу коэффициенті 1:5, ауруды қайта жұқтыру қаупінің жоғарылауы. Жоғарғы тыныс жолдарында "омикрон "дельта" нұсқасынан 70 есе жылдам көбейеді.
Штамм басқалардан көптеген мутациялармен ерекшеленеді: "омикронда" омыртқа ақуызындағы 32 жаңа мутация бар. Бұл дельта штаммынан екі есе көп. Осыған байланысты ол қолданыстағы вакциналарға төзімді. Басқа штамммен инфекциядан кейін пайда болған адамның иммундық жүйесі ауруды жеңе алмауы мүмкін.
Жағдайдың мұндай дамуы мүмкін екенін ескере отырып, инфекция және жаңа штаммның одан әрі таралу қаупін азайту үшін вакцинация мен қайта вакцинациялауды ұсынамыз.
Ауру жағдайында да вакцинация оны оңай өткізуге, сондай-ақ ауыр асқынулардың алдын алуға мүмкіндік береді.
Қарағанды облысының аумағында коронавирустық инфекция аурушаңдығының өсуіне және облыстың "қызыл" аймаққа кіруіне байланысты, облыс тұрғындары арасында КВИ одан әрі таралуының алдын алу мақсатында, ағымдағы жылғы 12 қаңтардағы Ведомствоаралық комиссия шешімі және Қазақстан Республикасының Бас мемлекеттік санитариялық дәрігерінің қолданыстағы қаулыларының талаптары негізінде Қарағанды облысының Бас мемлекеттік санитариялық дәрігерінің қаулысы шығарылды.
Осылайша, облыстың барлық аумағында келесілерге:
- "ASHYQ" қосымшасына қатысатын объектілерде 30 адамға дейін еске алуды жүргізуді қоспағанда, отбасылық, еске алу іс-шараларын (банкеттер, үйлену тойлары, мерейтойлар, туған күндер, шығарып салу, "құдалық", той, "беташар" және басқалар) қоса алғанда, ашық ауада да, оның ішінде үйде бұқаралық іс-шаралар өткізуге тыйым салынады;
"Ashyq" жобасына қатысқанына қарамастан келесілерге:
- концерт залдары, филармониялар, театрлар, цирктердің қызметіне;
- діни бірлестіктер объектілерінде (мешіттер, шіркеулер, соборлар және т. б.) ұжымдық іс-шаралар (жұма намазы, діни жоралар және т. б.) өткізуге;
- конференциялар, семинарлар, көрмелер, форумдар өткізуге;
– жеке кездесулер өткізу, 10 адамға дейін - екпе алғандарды қоспағанда ;
- түнгі клубтардың қызметі;
- қоғамдық тамақтану объектілерінде бар үстелшесінде қызмет көрсетуге,
- караокеде ән айту және би бойынша қызметтер ұсынуға тыйым салынады, тек қоғамдық тамақтану бойынша қызметтер үшін 50%-дан асырмай, бірақ 50 адамнан артық емес болуы тиіс.
Қоғамдық тамақтану объектілерінде бір үстелге келушілер саны 4 адамға дейін (әртүрлі үй шаруашылықтарынан) қысқарады, бұл ретте адамдар арасындағы қашықтық кемінде 1,5 метр болуы тиіс, толтырылу деңгейі 50%-ға дейін, бірақ 50 адамнан аспауы тиіс.
Кинотеатрлардың қызметіне "Ashyq" жобасына тек "жасыл" мәртебесі бар тұлғалар үшін қатысу шартымен, толымдылығы 30%-дан аспайтын жағдайда рұқсат етіледі.
Тіршілікті қамтамасыз ету және коммуналдық шаруашылық объектілерін қоспағанда, мемлекеттік органдардың (ұйымдардың), ұлттық компаниялардың, кәсіпорындардың әкімшілік персоналының кемінде 70%-ы қызметкерлерді COVID-19-ға қарсы вакцинациялауды жүргізуге қарамастан қашықтықтан жұмыс нысанына ауыстырылады.
Өңірдегі эпидемиологиялық ахуалдың нашарлауын ескере отырып, мыналарды қамтамасыз ету қажет:
- барлық ауылдық мектептерде және қалалар мен аудан орталықтарындағы 600 оқушыға дейінгі мектептерде штаттық форматта оқыту;
- штаттық форматта оқитын 1-2-сыныптарды қоспағанда, 600 және одан да көп оқушымен қала мектептері мен аудан орталықтары мектептерінде қашықтықтан оқыту форматына және 3-тен 5-сыныпқа кезекші сыныптар түрінде оқытуға көшіру;
- жоғары оқу орындары мен колледждерде аралас форматта оқу, яғни барлық дәрістерді икемді кесте бойынша онлайн өткізу: практикалық, зертханалық, семинарлық сабақтар штаттық форматта;
- вакцинацияланған оқушылар мен вакцинациялаудың толық курсын аяқтаған студенттерді оқу орны әкімшілігінің қалауы бойынша штаттық режимде оқытуға рұқсат етіледі;
– мектептен тыс қосымша білім беру ұйымдарында оқыту – жеке сабақтар – штаттық режимде, топтық сабақтар – 10 адамға дейін, бұл ретте мүмкіндігі шектеулі балаларға/ересектерге арналған түзету орталықтарында /кабинеттерде – 8 адамға дейін жеке және топтық сабақтар – штаттық режимде, 8 және одан да көп адамнан онлайн форматта өткізіледі.
Бұдан басқа, бұқаралық іс-шараларды (мәдени, тәрбие, сыныптан тыс және ата-аналар жиналыстарын және т. б.) өткізуге;
- мектепке дейінгі және орта білім беру ұйымдарында топтар мен сыныптарды біріктіретін іс-шараларға тыйым салынады;
- зертханалық, практикалық сабақтарды қоспағанда, кабинеттік оқыту жүйесін жою;
- бастауыш, орта және жоғары сынып оқушыларын ажырату (сабақтың басталу уақыты бойынша ең жоғары мүмкіндікті ескере отырып);
- бөгде адамдардың кіруіне тыйым сала отырып, COVID-19-ға қарсы вакцинациясы бар студенттерді жатақханаға орналастыру (18 жасқа толмаған, сондай-ақ тұрақты медициналық қарсы көрсетілімдері бар және соңғы 3 ай ішінде COVID-19 ауырып жазылған студенттерді жатақханаға орналастыруға жол беріледі).
"Ashyq" жобасына қатысатын келесі нысандарға тек "жасыл" мәртебесі бар адамдар ғана кіре алады:
- сауда-ойын-сауық орталықтарына, сауда үйлеріне, сауда алаңы 100 ш. м. асатын сауда желілері (азық-түлік емес), сауда алаңы 6000 ш. м. асатын сауда желілері (азық-түлік);
- спорттық-сауықтыру орталықтары, фитнес-орталықтар, йога-орталықтар, моншалар, сауналар, бассейндер;
- көрермендермен 20-дан аспайтын толтырылған жағдайда спорттық іс-шаралар өткізуге рұқсат етіледі;
- 50%-дан аспайтын толымдылықпен спорттық жаттығуларға;
- компьютерлік клубтар қоса алғанда, PlayStation клубтар толымдылығы 50% - дан аспайды.
Қоғамдық көлікте адам санын азайту мақсатында ұйымдарда (кәсіпорындарда) сараланған жұмыс кестесі енгізіледі.
Бұдан басқа, отырғызу орындарының саны бойынша салондарды толтыра отырып, бар бағыттар бойынша қоғамдық көлік санын арттыру қажет.
Сондай-ақ, вакцинация мәртебесіне қарамастан шетелден келген барлық адамдар үшін материалды іріктеу сәтінен бастап 72 сағаттан ерте емес ПТР тестінің теріс нәтижесінің болуы қажет.
Қазақстан Республикасында халықты мРНҚ-ның коронавирустық инфекциясына қарсы "Комирнати" вакцинасымен вакцинациялауға 12 және одан жоғары жастағы жасөспірімдер, жүкті әйелдер - жүктіліктің 16-дан 37-аптасына дейін және лактация кезеңінде әйелдер - босанғаннан кейінгі кезең аяқталғаннан кейін (42 күннен кейін) жатқызылған болатын.
Облыс тұрғындарына коронавирустық инфекцияның ауыр көріністерін дамыту қаупі жоғары медицина қызметкерлері мен 60 жастан асқан адамдарды "Комирнати" (Pfizer) вакцинасымен қайта вакцинациялау мүмкіндігі бар екендігі туралы хабарлаймыз.
Аталмыш Қаулы 2022 жылғы 17 қаңтарда сағат 00-де күшіне енеді.
Құрметті жерлестер!
Қазіргі жағдайда жауапкершілік таныту қажет. Қоғамның денсаулығы әрқайсымыздың жеке қауіпсіздік шараларын сақтауымызбен тікелей байланысты. Естеріңізге сала кетейік, вакцинация COVID-19 пандемиясымен күресудің маңызды құралы болды және болып қала береді. Бұл карантин мен өзін-өзі оқшаулау режимінің жалғыз баламасы және бұрынғы қалыпты өмірді қайтарудың жалғыз жолы!
Фото: atn.ua.
