Бюджеттің нақтыланған шығыстары 61,3 млрд теңгеге ұлғаймақ
Мәжіліс депутаттары 2024 жылға арналған кірістер болжамын нақтылайтын заң жобасын жұмысқа алды, деп хабарлайды baq.kz.
Мәжіліс депутаты Татьяна САВЕЛЬЕВАНЫҢ айтуынша, норма “2024-2026 жылдарға арналған республикалық бюджет туралы” Қазақстан Республикасының Заңына өзгерістер мен толықтырулар енгізу туралы” заң жобасында бекітілген.
- Жоба екі негізгі бағыт бойынша республикалық бюджет көрсеткіштерінің өзгеруіне байланысты әзірленді. Біріншіден, 2024 жылға арналған кірістердің нақтыланған болжамы бекітілген жоспардан 2 трлн теңгені мақсатты трансферт түрінде Ұлттық қордан қосымша тарту жоспарланып отыр, - деді Мәжіліс депутаты Татьяна Савельева.
Республикалық бюджеттің шығыстары мен тапшылығының параметрлері Үкіметтің 2023 жылға арналған бюджет қалдықтарын пайдалана отырып, 61,3 млрд теңге сомасында жүргізген бюджеттік түзетулерін ескере отырып өзгертілген.
- Осылайша, республикалық бюджеттің нақтыланған шығыстары бекітілген көрсеткішке қатысты 61,3 млрд теңгеге ұлғая отырып болжанады. Биылға тапшылық 3,6 трлн теңге, сондай-ақ 61,3 млрд теңгеге ұлғаяды, - деп түсіндірді Татьяна Савельева.
Депутаттар құжатты жұмысқа қабылдап, ол бойынша қорытынды әзірлеуге дайын.
Фото: © Ratel.kz / Айдын Олжаев.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
