Президент әкімшілігі наразылықтың күшеюі мүмкін екенін ескеріп, алаңдап отыр
Энергетика министрлігі "Қазақстан Республикасының ішкі нарығына сұйытылған мұнай газын көтерме сатудың шекті бағасын бекіту туралы" бұйрықтың жобасын жариялады.
Сұйытылған газдың көтерме бағасының қазіргі шекті деңгейі биылғы жылдың 1 шілдесінен 31 желтоқсанына дейін белгіленген болатын. Жаңа бұйрықтың жобасы оны 2025 жылдың бірінші жартыжылдығына дейін ұзартуды көздейді.
Бұған дейін энергетика министрі, үкімет мүшелері және осы жазбаның авторы қолданыстағы бағалардың шығынды екенін бірнеше рет айтқан болатын. Оның үстіне министрлік бағаларды біртіндеп көтеру қажеттілігін мәлімдеген еді.
Енді не боп қалды? Бағалар шығынсыз бола бастады ма? Жоқ.
Керісінше, теңге бағамының төмендеуіне байланысты бұл алшақтық одан сайын өсті, өйткені Қазақстандағы кез келген тауар мен қызметтің өзіндік құнында доллар бағамына тәуелді шығындардың үлесі бар.
Демек, бұл тапсырма Энергетика министрлігіне Президент әкімшілігінен түскен болуы мүмкін, өйткені үкімет те бағаны теңестіру қажеттілігін түсінеді.
Ендеше мұны екі себеппен түсіндіруге болады:
- Батыс Қазақстанда болып жатқан ереуілдер. Президент әкімшілігі наразылар қатарының күрт көбейіп кетуіне алаңдайды, онысы орынды.
- Сайлауға дайындық. 2025 жылдың бірінші жартысында сайлау жоспарланып отырған болуы мүмкін, сондықтан осы кезең ішінде бағаны ұстап, оның өсуін тоқтата тұру керек.
Алайда қазіргі әрекеттер сұйытылған газ тапшылығы мәселесін шешпейді. Автогаз құю станцияларындағы (АГҚС) кезектер әлі де көбейе береді.
Дереккөз: Сарапшы Олжас Байділдиновтің Telegram-каналы t.me/baidildinovoil. Автордың рұқсатымен жарияланып отыр.
Фото: AFP.
Аударған А.Олжаев.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
