Қазақтың футболына қазақтан басқа ешкімнің жаны ашымайды
Өз еркіңізбен кете салыңыз...
Ұлттық құрама кезекті рет есе жіберді. Дәл осы Станислав ЧЕРЧЕСОВ келгелі 4-ші матч, 3-ші жеңіліс. Бір ойын тең түстік. Бірде-бір гол соға алмадық.
Бірте-бірте ұтылып қалып, масқара болуға да етіміз үйреніп барады.
Ал, отандық футболдың басы-қасындағылар біздің сынға мықты имунитет қалыптастырып алған. Пысқармайды.
Осы Станислав Черчесовтың келуіне көпшілік қарсы болды. Оның алатын жалақасын естігінде, тіптен, жағамызды ұстадық. Айына 50 млн теңге деп пе еді?!
Соған қарамастан жауапты федерация бір ресейлік маманды басқа ресейлік маманға алмастырды.
Нәтижесі міне. Сол кезде отандық бапкерлерді қойыңдар деп шыр-пыр болдық. Тіпті, арнайы тізім жасадық. Ең тиімді вариант ретінде Қайрат НҰРДӘУЛЕТОВТІ ұсындық. Тағы да пысқармады.
Әрине, Қайрат келсе бәрін қырып-жойып, жеңе бермесіміз анық. Десе де өзіміздің маман, қазақша сөйлей алатын, қазақша ойлай алатын адам ұлттық деген тіркесі бар құраманың тізгінін алар еді. Плюс тәжірибе жинайды. Тағы бір плюсі – қаржы елде қалады. Енді қазір "ни рыба, ни мясо" болып отырмыз.
Отандық футбол федерацияның басшылары, мынаны үйіне қайтарыңдар. Қазақтың футболына қазақтан басқа ешкімнің жаны ашымайды.
Одан кейін отандық футболға үлкен реформа керек. Балалар футболы ақсап жатыр. Жасыл алаңдар жетіспейді. Мамандар біліктілігін арттыру қажет.
Айта берсе өте көп.
Вообщым, шұғыл іске кірісіңдер немесе істейтін адамдарға орын беріңдер...
Дереккөз: Спорт журналисі Аслан Каженовтың Facebook-тегі парақшасы. Автордың рұқсатымен жарияланды.
Фото: sport.evening-kazan.ru.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
