Читайте также
Мемлекет басшысы Түрікменстан президенті Гурбангулы Бердымұхамедовке әкесі Мяликгулы Бердымұхамедовтің қайтыс болуына байланысты Қазақстан халқының және жеке өзінің атынан көңіл айтты.
"Әкеңіздің жарқын бейнесі жақындары мен барша отандасының жүрегінде жақсы адам, дана ұстаз және өмірін Отанына қалтқысыз қызмет етуге арнаған шынайы патриот ретінде мәңгілік сақталады. Орны толмас қайғыны бөлісе отырып, сізге және барша жақын туыстарыңызға осындай қиын сәтте сабыр тілеймін", - деп жазылған жеделхатта.
Айта кетейік, Мяликгулы Бердымұхамедов 1932 жылы 12 тамызда туған. Ішкі істер органдарының отставкадағы подполковнигі 89 жасқа қараған шағында дүниеден өтті, деп хабарлайды Sputnik.
