Осы қаулыға сәйкес COVID – 19 жағдайлары тіркелген елдер 3 санатқа бөлінеді
Бас санитарлық дәрігер коронавирус инфекциясының алдын алу шараларын күшейту туралы қаулы қабылдады, деп хабарлайды ҚР ДСМ тауарлар мен көрсетілетін қызметтердің сапасы мен қауіпсіздігін бақылау комитетіне сілтеме жасап.
"ҚР Бас мемлекеттік санитарлық дәрігері 25 ақпанда «Қазақстан Республикасында коронавирустық инфекцияның алдын алу шараларын одан әрі күшейту туралы" қаулы қабылдады, 1 наурыздан бастап күшіне енеді.
Осы қаулыға сәйкес COVID – 19 жағдайлары тіркелген елдер 3 санатқа бөлінеді. Жіктемеге байланысты осы елдерден ҚР-ға келген адамдарға қатысты эпидемияға қарсы іс-шаралар жүргізілетін болады», делінген хабарламада.
1 а) санат: бұл коронавирустық инфекциямен ( ҚХР, Иран) аурушаңдық бойынша қолайсыз елдерден келген адамдар. Олардың барлығы 14 күнге оқшаулаумен карантинге орналастырылады. Содан соң, тағы 10 күн ішінде шыққаннан кейін, олар медициналық бақылауда болады ұйымдарында медициналық-санитариялық алғашқы көмек (бұдан әрі - МСАК) тұрғылықты мекен-жайы бойынша көрсетіледі. Күнделікті телефон шалу арқылы жағдайын анықтайтын болады.
1 б) санат: бұл ҚХР Гонконг САР, ҚХР Макао САР, Тайвань (ҚХР), Оңтүстік Корея, Жапония, Италиядан келгендер. Олардың барлығы адамдар көп жиналатын жерлерге бармас үшін үйінде оқшауланады. Оларға 14 күн ішінде тұратын (болатын) жері бойынша БМСК қызметкерлерінің күнделікті бақылауы белгіленетін болады. Одан кейін тағы 10 күн ішінде тұратын жері бойынша БМСК ұйымдарында медициналық бақылау жүргізіледі (күн сайынғы қоңырау шалу).
2 санат: Сингапурдан, Таиландтан, Әзербайжаннан келген адамдар. Оларды БМСК медицина қызметкерлері тұратын (болатын) жері бойынша 14 күн ішінде қадағалайтын болады. Одан әрі медициналық бақылау күн сайын қоңырау шалу арқылы 10 күн ішінде жүзеге асырылады.
3 санат: Германия, АҚШ, БАӘ, Ұлыбритания, Франция, Бахрейн, Кувейт, Испания, Малайзиядан келген тұлғалар. Барлығы ҚР шекарасынан өткен күннен бастап 24 күн ішінде қоңырау шалу арқылы тұрғылықты жері бойынша БМСК медициналық қадағалауында болады.
Фото: Reuters.
