1 ақпаннан бастап Алматыға 12,5 мың адам өткен. Оның барлығы бақылауда
Алматыда Қоғамдық кеңестің отырысы өтті. Жиын барысында арнайы штаб басшысы, қала әкімінің орынбасары Ержан БАБАҚҰМАРОВ коронавирус жұқпасы бойынша эпидахуалды сипаттады, деп хабарлайды ҚазАқпарат тілшісі.
Отырыс барысында жұқпалы аурудың таралуының алдын алу бойынша қандай шаралар атқарылып жатқаны айтылды.
"Алматыға кіретін жолдардың барлығы жабық. Бақылауда тұр. Үлкен әлемге шығатын терезе – әуежай. Әуежайда фильтрация жүйесі орнатылған. 1-санаттағы елдерден келген жолаушылар үшін бөлек терминал жасақталған", - деді Ержан Бабақұмаров.
Оның айтуынша, қазір 1-санаттағы елдерден келген тұлғалар бақылауға алынған.
1 ақпаннан бастап Алматыға 12,5 мың адам өткен. Оның барлығы бақылауда.
"Келген шетелдіктердің денсаулығын 99,9% бақылауда ұстап отырмыз. 12,5 мың адамның 4 мыңы – шетел азаматтары, оның 350-і - қытайлықтар. Мұның алдында әуежай арқылы тәулігіне 50 рейс өтетін болса, қазір оның саны 30-50 аралығында. Күнде әуежай арқылы 2,5-3 мың адам өтеді. Яғни, көші-қон статистикасы азайған сайын аурудың жұғу мүмкіндігі де азая түседі", - деді әкімнің орынбасары.
Фото: © Sputnik.
