Екі минут сөйлеген соң қарияның микрофонын өшіріп, оны залдан шығаруға тырысты
АЭС салуға қатысты референдум алдындағы соңғы талқылау Астанада өтті. Бұл туралы Stan.kz хабарлайды.
Астанада АЭС салуды қолдау немесе бас тарту идеясы бойынша соңғы қоғамдық талқылау басталды. Оған атом саласының сарапшылары, мемлекеттік орган өкілдері, қоғам белсенділері қатысып жатыр.
Спикерлердің сөзінен кейін оларға қауіпсіздік, әлеуметтік-экономикалық аспектілер бойынша сұрақтар қоюға болады.
Бұған дейін Алматы, Талдықорған, Қарағанды, Ақтөбе, Ақтау, Павлодар, Семей, Шымкент және еліміздің басқа облыстарында қоғамдық талқылаулар өтті.
АЭС-ке қатысты жиында Астана тұрғыны пікір білдіріп, Семей полигоны зардабын айтты.
“Семейді ұмыттыңдар ма, зардабын әлі тартып жатырмыз. Тұрғындар Байқоңырдағы зардапты да әлі тартып жатыр. Уланып жатыр. Соны неге айтпайсыңдар? Осы үшін ұрпақтың қарғысына қаласыңдар”, - деді ол.
Екі минут сөйлеген соң қарияның микрофонын өшіріп, оны залдан шығаруға тырысты.
Еске салсақ, Алматыда АЭС құрылысына қатысты қоғамдық талқылауда тұрғындар шу шығарған еді.
Фото: әлеуметтік желіден.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
