Бірінші сынып оқушыларының оқу сағаттары 114 сағаттан 102 сағатқа дейін қысқартылады
ҚР Оқу ағарту министрлігі “Бастауыш, негізгі, орта және жалпы орта білім беру саласындағы жалпы білім беру пәндері мен курстары бойынша Типтік оқу бағдарламасын бекіту” туралы бұйрығына түзету енгізу жобасын әзірледі.
Түсіндіру жазбасына сәйкес 36 апталық оқу жылына көшу (1-қыркүйектен 25-мамырға дейін) қосымша дайындықты талап етеді.
Бірінші сынып оқушыларының оқу сағаттары 114 сағаттан 102 сағатқа дейін қысқартылады.
1-4 сыныптары арасында еңбек сағаттары жылына тиісті 35 сағаттан 33 сағатқа дейін қысқартылады.
7-9 сыныптары үшін алгебра пәні - 108 сағаттан 102 сағатқа дейін, геометрия пәні 72 сағаттан 68 сағатқа дейін азайтылады. Химия және география пәндері жылына 68 сағат қана өтеді.
5-9 сыныптар үшін информатика пәні жылына тиісті 36 сағаттың орнына 34 сағат қана өтеді.
Қазақстан тарихы 72 сағаттың орнына 68 сағат қана оқытылады. 5-9 сынып оқушылары дене шынықтырудан 108 сағаттың орнына 102 сағат қана дайындалады.
10-11 сынып оқушылары қазақ тілін тиісті 72 сағаттың орнына 68 сағат қана оқиды. Жаратылыстану және математика бағытындағы мектептерде орыс тілі 36 аптаның орнына 34 апта ғана өтсе, қоғамдық гуманитарлық мектептерде орыс тіліне 72 сағаттың орнына 68 сағат қана қарастырылған.
Жоба Ашық НҚА порталында 11.09.2023 жылға дейін орналастырылған.
Фото: © Ratel.kz / Малик Кумарбеков.
ПОДЕЛИТЬСЯ СВОИМ МНЕНИЕМ И ОБСУДИТЬ СТАТЬЮ ВЫ МОЖЕТЕ НА НАШЕМ КАНАЛЕ В TELEGRAM!
