Тыйым салу туралы шешімді Моститский шекара жасағының бастығы қабылдады
«Жаңа күштер қозғалысы» («Движения новых сил») лидері және Грузияның экс-президенті Михаил Саакашвилиге 3 жылға Украинаға кіруге тыйым салынған, яғни 2021 жылдың 13 ақпанына дейін, деп мәлім етті тиісті құжатты ұсынған саясаткердің адвокаты Руслан Чернолуцкий.деп хабарлайды ҚазТАГ.
Тыйым салу туралы шешімді Моститский шекара жасағының бастығы қабылдады. М.Саакашвилидің адвокаты түсініктемесінде аталмыш деректі растап, шешімге шағымданатынын жеткізді.
«Біздің ойымызша, аталмыш шешім заңсыз, себебі онда мемлекеттік көші-қон қызметі мен биліктің шешімі қайталанып тұр, соның негізінде М.Саакашвили заңсыз ұсталып, шығарылып жіберілді. Сондықтан біз бұған әкімшілік сотта қарсы тұратын боламыз», - деді ол бейсенбіде.
Хабарда нақтыланғандай, 14 ақпанда М.Саакашвили Польшаға жер аударып жібергені үшін мемлекеттік көші-қон қызметіне, мемлекеттік шекара қызметінің әкімшілігіне және сыртқы істер министрлігіне қарсы сотқа шағымданатынын жеткізді.
12 ақпанда оны Киев мейрамханасында ұстаған. Кейін белгілі болғандай, М.Сакашвилиді Украинадан жер аударған, ал біраз уақыттан кейін оның Польшаға ұшып кеткенін жеткізді. Кейін Украинаның мемлекеттік шекара қызметінде хабарлағандай, М.Саакашвилиді Польшаға қайтарған.
Бұл ретте М.Саакашвили Еуроодақтан және Германия канцлері Ангела Меркельден көмек сұраған.
Еске салсақ, 2017 жылдың 10 қыркүйегі күні украиналық азаматтығын алып тастаған М.Саакашвилидің жақтастары мен халық депутаттары «Шегини» өткізу бекетіне келіп, «дәліз» жасап, саясаткерді Украина аумағына өткізген еді. Сонымен қатар, бұрынғы басшы М.Саакашвилидің Одесса ОМӘ-ға өту кезінде бірнеше полицей мен шекарашылар дене жарақаттарын алған. Құқық қорғаушылар Украина аумағына шабуыл жасап, М.Саакашвили мен оның жақтастарының өту дерегі бойынша қылмыстық өндіріс ашқан.
