Қаз   Рус

Дариға - Сыртқы істер министрлігіне, Динара - ЮНИСЕФ-ке

697 қаралды
0
Ратель
Понедельник, 20 Ноя 2017, 12:35

Қазақстандағы жаңа кадрлық тағайындаулар

Өткен аптада еліміздің орталық және жергілікті атқарушы органдарында бірқатар кадрлық өзгерістер болды, апта ішінде орын алған кадрлық тағайындауларға ҚазАқпарат дәстүрлі шолу жасайды.

Қазақстан Республикасы Парламенті Сенатының Халықаралық қатынастар, қорғаныс және қауіпсіздік комитетінің төрайымы Дариға НАЗАРБАЕВА ҚР Сыртқы істер министрлігі қызметінің мәселелері бойынша Қоғамдық кеңесіне басшылыққа келді.

Оқи отырыңыз
Астана Лениннің жойылуына себеп болуы мүмкін

ҚР Үкіметінің қаулысымен ҚОЖАҒАПАНОВ Ерлан Тоқтарханұлы ҚР Мәдениет және спорт вице-министрі болып тағайындалды. Ерлан Қожағапанов 1968 жылы Алматы облысында дүниеге келген. 1992 жылы Қарағанды мемлекеттік университетін, 1999 жылы Алматы мемлекеттік университетін тәмамдады. 2006 жылы РФ Мемлекеттік кеден комитетінің Кеден академиясын экономист, қаржыгер, заңгер мамандығы бойынша бітірген. Еңбек жолын 1987 жылы бастады. 1990-1994 жылдары кәсіпкерлік қызметпен айналысқан. 1994-2007 жылдар аралығында мемлекеттік органдар мен кәсіпорындарда жұмыс істеген. 2007-2013 жылдары Астана қаласы әкімінің орынбасары қызметін атқарды. 2013-2016 жылдары ҚР Спорт және дене шынықтыру істері агенттігінің төрағасы, ҚР Футбол федерациясының президенті болды. 2016 жылдың желтоқсанынан бастап қазіргі уақытқа дейін ҚР Премьер-Министрінің кеңесшісі қызметін атқарып келді. 

Өткен апта басында Астана әкімдігі аппаратының кеңесінде шаһар басшысы  Әсет ИСЕКЕШЕВ жаңа кадрлық тағайындау жөнінде мәлімдеді. Қаланың қорғаныс істері департаментінің басшысы болып полковник Ардақ Қоқатов тағайындалды. А. Қоқатов кадрлық офицер, ол бұған дейін бірқатар жетекшілік қызмет атқарған болатын. Атырау және Қарағанды облыстарының  қорғаныс істері департаментін басқарды. Жаңа тағайындауға сәйкес, елорда әкімі оған азаматтарды міндетті әскери қызметке шақырту шараларымен уақытында әрі сапалы түрде қамтамасыз ету жұмыстарын белсенді ете түсуді тапсырды. Елорданың мобилизациялық дайындығы мәселелеріне қаланың әскери қызметке шақырту комиссиясының төрағасы болып табылатын Астана қаласы әкімінің орынбасары Асқар Амрин жетекшілік ететін болады.

Апта соңында «Азаматтарға арналған үкімет» мемлекеттік корпорациясының Басқарма төрағасы Абылайхан ОСПАНОВ ұжымға Қоғаммен байланыс департаментінің жаңа басшысы Мұрат ЖҰМАНБАЙДЫ таныстырды. М. Жұманбай бес жылдан астам уақыт Экономикалық қылмысқа және сыбайлас жемқорлыққа қарсы күрес агенттігінің баспасөз орталығын басқарды. Екі жылдай ҚР Парламенті Мәжілісі Төрағасының кеңесшісі болды әрі палатаның баспасөз қызметіне жетекшілік етті. Сондай-ақ ҚР Қаржы министрлігі Мемлекеттік кірістер комитеті Қоғаммен байланыс басқармасының жетекшісі, кейін ҚР Ақпарат және коммуникациялар министрлігі Орталық коммуникациялар қызметі директорының орынбасары қызметтерін атқарды. Бүгінгі тағайындауға дейін ҚР Инвестициялар және даму министрінің кеңесші болды.

Оқи отырыңыз
Айтыс табыс көзі бола алады

Апта ортасында кадрлық өзгерістер Павлодар облысында орын алды.  Дүйсенбай Тұрғанов Павлодар облысы әкімінің бірінші орынбасары қызметінен босатылғандығы мәлім болды.  Бес жыл осы лауазымды қызметті атқарған ол, басқа жұмысқа ауысқан.  Ал облыс әкімінің бірінші орынбасары болып Ұлан Жазылбек тағайындалды. Ол осыған дейін Инвестициялар және даму министрлігінің Құрылыс саласын дамыту және ТҮКШ департаментінің директоры болған. 1962 жылы туған Ұлан Жазылбек 1984 жылы Алматы сәулет-құрылыс институтын «Инженер-құрылысшы» мамандығы бойынша аяқтап, 2009 жылы Қонаев атындағы университетті «Құқықтану» мамандығы бойынша тәмамдаған. Түрлі жылдары бірқатар салада басшылық қызметте болған ол, 2014-2017 жылдар аралығында Ұлттық экономика министрлігінің инфрақұрылым және экономиканы дамыту департаментінің директоры болды. Айта кетейік, облыстық мемлекеттік кірістер департаментінің жаңа басшысы болып Ернұр Байғұрманов тағайындалды. Ол осыған дейін аталмыш ведомствоның орынбасары болған. Бұдан бөлек,  Павлодар облысы әкімінің орынбасары болған Николай Дычко Ақсу қаласының әкімі атанды.  Ал бұрынғы ақсулық әкім Нұрлан Дүйсенбинов аймақтың қаржы басқармасына басшы болды.

Аптаның басында Ақмола облысындағы тағайындаулар жайында мәлім болды. Ақмола облыстық туризм басқармасы жанындағы Туристік ақпараттық орталығының жетекшісі қызметіне Данияр Идиятов тағайындалды. Данияр Идиятов 1983 жылдың 17 қарашасында Көкшетау қаласында дүниеге келген. Түркиядағы «Balikesir University» білім ордасының туризм және қонақүй шаруашылығы факультетін бітірген. Сонымен қатар АҚШ, БАӘ, Грузия елдерінде туризм бойынша біліктілігін арттыру курстарынан өткен. Туристік саладағы үлкен жұмыс тәжірибесі бар. 2007 жылдан бастап "Intourist Thomas Cook" ірі халықаралық туристік оператордың Астанадағы филиалының директоры болған. Жаңа қызметке тағайындалғанға дейін «Turoteka. Kz» ЖШС-нің директоры қызметін атқарды.  Сонымен қатар «Қазақинвест» АҚ-тың Ақмола облысындағы өкілдігіне директор болып Әйгерім Молдабекова тағайындалды. Әйгерім Молдабекова 1986 жылы 28 қазанда дүниеге келген. Қ.Сәтбаев атындағы Қазақ ұлттық техникалық университетін, Халықаралық бизнес академиясын бітірген. 2009 жылы «Ақтау теңіз порты» арнайы экономикалық аймағының маманы, инвесторлармен жұмыс департаментінің директоры болған.  Жаңа қызметке тағайындалғанға дейін «Ақтау теңіз порты» арнайы экономикалық аймағы» АҚ басқармасының төрайымы қызметін атқарды. 

Қазақстандық шахматшы Динара СӘДУАҚАСОВА БҰҰ Балалар қорының (ЮНИСЕФ) Қазақстандағы Ұлттық ізгі ниет елшісі болды. ЮНИСЕФ бұл атақты 1954 жылдан бері тағайындап келеді. Осылайша, Ұлттық ізгі ниет елшісі болған танымал мәдениет, спорт, әдебиет қайраткерлері өз елдерінде балалардың құқықтарын қорғауға күш салады. Ұлттық ізгі ниет елшісі етіп тағайындау арқылы балалардың мәселелеріне белгілі адамдардың назарын аудару көзделеді.

Фото: Today.kz
 

Журналист
– Бір ел - екі тіл едік. Енді "Бір ел - екі әліпби" болатын сияқты.
Дело «чёрных старателей» – КНБ vs МВД
- Вы бы летом туда приехали, сразу после задержания начальника полиции. по ночам вся степь от прожекторов сияла раскопки шли вовсю
13 лет на линии: ночной автобус № 3 остаётся надёжной альтернативой такси в Алматы
- Отдуши, оставили. 3 маршурут ,ведь этот маршурут многим экономит денги для тех кто ночию работают особенно молодеж ,ведь они. Рабоьают с фери обслужвание до последнего клиннта всякие бары кафе рестораны и другие всякие работы.
ЕНПФ объяснил, как работа в странах ЕАЭС учитывается при назначении пенсии
- Почему промолчали про учет стажа работы между государствами ЕАЭС до 1 января 1998 года, в договоре про это тоже написано. Или боитесь огласки, что в РК этот пункт договора игнорируют? А ну да, вы же пишите по материалам пенсионного фонда, а там этот пункт договора военная тайна... :)
В Алматы начат снос незаконного рынка Жетысу-Семиречье
- Такой хороший рынок,не надо ездить далеко на барахолку, можно все, практически все найти на этом рынке - вещи, продукты, стройматериалы, бытовую технику и т.д. Жаль если он тоже уйдет под снос.
Хроники Верного. "Секретные материалы" из старой папки
- Да, эта папка имеет огромную ценность. Я потомок из этой семьи, очень много конечно утеряно в советское время информации. Папа говорит что старики наши шепотом о тех временах говорили. Ушли те кто мог бы поведать всю историю семьи, а в воспоминаниях папы только фрагменты тихих разговоров. Хотелось бы посетить архив в Алматы и соединить не достающие фрагменты. Спасибо за то что с таким теплом поведали нам историю семьи Шахворостовых. Вера