Сот журналистті басқарушылық қызметті атқару құқығынан айыру түріндегі қосымша жазадан босатпады
Қарашаның 16-сы күні Алматы облысы, Қапшағай қалалық соты Қазақстан журналистер одағының бұрынғы төрағасы Сейітқазы МАТАЕВТЫ шартты түрде мерзімінен бұрын босату туралы өтінішін қанағаттандырды деп хабарлады «Әділ Сөз» Қоғамдық Қоры. С.Матаевтың қорғаушысы Мадина Бакиева сот шешімі егер наразылық болмаса 15 күнтізбелік күннен кейін заңды күшіне енетінін мәлімдеді.
Алайда М.Бакиеваның айтуынша, Сот С.Матаевты мемлекеттік, коммерциялық мекемелерде ұйымдастырушылық-таратушылық, материалдық жауапкершілікпен байланысты басқарушылық қызметті атқару құқығынан айыру түріндегі қосымша жазадан босатпады.
Отырыстың басында С.Матаевтың қорғаушылары Мадина Бакиева мен Андрей Петров істің материалына ауру тарихы мен өзге де медициналық құжаттар негізінде жасалған «Аман-Саулық» ҚҚ-ның медициналық қорытындысын қосуға өтініш берді.
Қордың медициналық қорытындысында С.Матаевқа III дәрежелі гипертония ауруы диагнозы қойылған, ауру кенеттен күрт асқынған кезде оның қан қысымы 260-қа дейін көтерілуі мүмкін деп атап көрсетілген. Осы ретте, кінәсіздігіне толық сенгендіктен, сонымен қатар үкімнің әділетсіз және бас бостандығынан айыру мекемесінде әрқашан күйзелісте болуына және эмоциялық тұрғыда қысым көрсетілуіне байланысты оның жағдайы нашарлауда деп баса айтылған. Сондай-ақ, мүгедектікке және өліммен аяқталатын жағдайға алып келуі мүмкін миокард инфарктына алып келуі мүмкін деп көрсетілген.
«Аман Саулық» қорының қорытындысын С.Матаев отырған колонияның медсанбөлімі толығымен растады. Бұдан басқа, ол С.Матаевқа осы мекемеде көрсетіле алмайтын медициналық көмек керек екенін баса айтты.
Қорғаушылар ҚазТАГ ХАА ЖШС-дан С.Матаев босатылғаннан кейін редактор қызметін атқаратыны туралы, сонымен қатар, Қазақстанның журналистер одағынан С.Матаев қызметтегі төрағасы қызметін атқаратыны туралы кепілдік хат алып келді.
Өз кезегінде, түзеу мекемесінің өкілі С.Матаевтың қорғаушыларының сөзін толығымен растады, дәлірек айтсақ оның мінезінің жақсы екенін, қатаң қадағылауды қажет етпейтінін және мерзімінен бұрын шартты түрде босатуға болатынын растады.
Осы ретте, іске қатысып отырған прокуратура өкілдері С.Матаевты мерзімінен бұрын шартты түрде босату бойынша келтірілген бір де бір аргументке қарсы шықпады. Алайда отырыс соңында С.Матаев бір рет жеңілдік ала алатынын және де 200 млн теңге көлемінде келтірілген шығынның өтелмегенін айта келе, мерзімінен бұрын шартты түрде босату туралы өтініш қанағаттандыруға жатпайтынын мәлімдеді.
С.Матаевтың өзі сот отырысына видеоконференция арқылы қатысты.
Дереккөз: "Әділ сөз"
