ҚТЖ-ның ақмолалық филиалының директоры мен оның сыбайластары шамамен 175 млн теңгені жымқырғаны үшін сотталды, деп хабарлады агенттіктің тілшісі.
«Нұрхат Кенжинді ҚР ҚК 189 бабы 4 бөлімінің 2 тармағында көрсетілгендей (аса iрi мөлшердегі сенiп тапсырылған бөтен мүлiктi иемденiп алу немесе талан-таражға салу)кінәлі деп тану керек, және аталмыш бап бойныша 5 жыл 3 айға бас бостандығынан айыру керек, мемлекеттік қызметпен айналысу құқығынан өмір бойына айыра отырып, мерзімін орташа қауіпсіздіктегі қылмыстық атқарушы жүйенің орташа қауіпсіз мекемесінде өтесін», - делінген Астана қаласы №2 Сарыарқа аудандық сотының 2018 жылдың 2 ақпанындағы үкімінде.
Алайда осы қылмыстың сыбайластарына шартты түрдегі қылмыстық жаза берілді.
«ҚР ҚК 189 бабы 2 бөлімінің 2 тармақшасы бойынша кінәлі деп тауып, Ержан Сариев пен Бейбіт Тасовқа 5 жыл және 3 ай ретінде, ал Қали Нұрматовқа - 3 жыл ретінде шартты жаза берілсін», - деп атап көрсетілген соттың қаулысында.
Бұдан басқа, сот сотталушылардан мемлекет пайдасына іс жүргізу шығынын 1 779 227 теңге көлемінде өндіріп алу туралы шешім шығарды.
Тергеу барысында «ҚТЖ»ҰК»АҚ ақмолалық магистралдық желі бөлімінің директоры Н.Кенжин өзіне сеніп тапсырылған мүлікті ысырап ету және «Вокзал-Сервис» АҚ мен мемлекеттің мүлкіне залал келтіру мақсатында бір топ тұлғамен алдын ала келісе отырып аса ауыр жемқорлық қылмысын жүзеге асырған.
2015 жылдың 14 сәуірінде «Вокзал Сервис» АҚ директоры Н.Кенжин мен «Арыс құрылыс» ЖШС-ның Қ.Нұрматов арасында Қостанайдың вокзалына күрделі жөндеу жұмыстарын жүргізу үшін құрылыс материалдарын сатып алу туралы 271 385 688 теңгенің келісімі жасалды. Жұмыстарды аяқтау мерзімі 2016 жылдың 31 желтоқсанына дейін деп көрсетілген. Өз кезегінде, келісімде көрсетілген міндеттерді 235 512 166 теңгеге «Redlined» ЖШС, Б.Тасов жүзеге асырған.
«Алайда, Б.Тасов және Е.Сариевпен келісім жасаған Н.Кенжин «Вокзал-Сервис»АҚ тиесілі мүлікті жымқырмақшы болады. «Вокзал-Сервис»АҚ қаржысын заңсыз иемдену мақсатында , Б.Тасов 2015 жылдың тамызы мен 2016 жылдың мамыр айында құрылыс монтаж жұмыстарын жобалық сметалық құжатнамаға сай емес жүргізген, тіпті кейбіреулерін мүлдем орындамаған», - деп толықтырды соттан.
Осыған қарамастан сотталушы Б.Тасов алдын ала Н.Кенжин және Е.Сариевпен келісе отырып жалған толтырылған жұмыс актілерін сотталушы Қ.Нұрматовқа қол қоюға ұсынып отырған, ал ол өздеріне және өзгеде тұлғалар үшін табыс табу мақсатында бұл жұмыстарды «Арыс құрылыс»ЖШС, «Redlined»ЖШС талапқа сай жүргізіп жатпағанын біле отырып жалған орындалған жұмыстар туралы актілерге қол қойған.
«Сот отырысында «Вокзал-Сервис» сотталушыларға ешқандай шағымы жоқ екені және олардың 174 888 250 теңге көлемінде келтірген шығыны толығымен өтелгені туралы анықталды», - деп түйінделді сотта.
