Президент Нұрсұлтан Назарбаев өзінің өкімімен былтыр күзде энергетика министрі Қанат Бозымбаевқа берілген тәртіптік жазаны алып тастады
Мемлекет басшысы Нұрсұлтан Назарбаев өзінің Өкімімен былтыр күзде Қазақстан Республикасының Энергетика министрі Қанат Алдабергенұлы Бозымбаевқа берілген тәртіптік жазаны алып тастады, деп хабарлады ҚазТАГ «Казахстанская правда» газетіне сілтеп.
«Мемлекет басшысы Нұрсұлтан Назарбаевтың Өкімімен Қазақстан Республикасының Энергетика министрі Қанат Алдабергенұлы Бозымбаева берілген тәртіптік жаза алынды», - делінген сейсенбіде жарияланған хабарда.
Еске салсақ, 2017 жылдың 11 қазанында мемлекет басшысының өкімімен Қазақстан Республикасы Премьер-Министрінің ұсынымы негізінде жанар-жағармай материалдарының ішкі нарығына тиісті бақылауды қамтамасыз етпеу түрінде көрініс тапқан жүктелген міндеттерді тиісінше орындамағаны үшін Қазақстан Республикасының Энергетика министрі Қанат Алдабергенұлы Бозымбаевқа сөгіс жарияланды. Сондай-ақ, ҚР премьер-министрі Бакытжан Сағынтаев энергомин басшысының орынбасары Әсет Магауовты жұмыстан шығарған болатын. Ол сондай-ақ, «Қазмұнайгаз» АҚ басқармасының төрағасына сөгіс түрінде тәртіптік жаза қолданып, оның орынбасары Даяр Берлібаевтың өкілеттігін тоқтатқан еді.
Н.Назарбаев энергетика министрі мен Қазақстан үкіметі тарапынан нарықты жанар-жағар май материалдарымен қамту бойынша шаралардың уақытылы қолға алынбауынан елде отын тапшылығы орын алғанын атап өткен болатын.
