Ақмола облысында оқушыны ұрған деген күдікпен Қорғалжын ауылдық округінің әкімі Жанат Омаров жұмысынан босатылды
Ақмола облысында оқушыны ұрған деген күдікпен Қорғалжын ауылдық округінің әкімі Жанат Омаров жұмысынан босатылды, деп мәлімдеді зардап шегушінің анасы Айгүл Бекжанова.
«Облыстың ішкі саясат басқармасында мәлімдегендей, аталмыш дерек бойынша (оның баласын ұру – ҚазТАГ) қызметтік тексеру жүргізілетін болады. Белгілі болғаны, Ж.Омаров Қорғалжын ауданы әкімінің м.а. Б.Сембаевтың өкімімен жұмысынан уақытша шығарылған», - деді ол жексенбі күні телефон арқылы ҚазТАГ тілшісіне.
Жасөспірімнің анасы еске салғандай, Қорғалжын орта мектебінің 8 класында оқитын ұлы Диастың бұл жағдайға тап болғаны туралы сол күні, 22 ақпанда білген.
«Қорғалжын ауылдық округінің әкімі Жанат Омаров менің ұлым Диас Мұқан тұратын интернетқа келген. Сөйтіп басқа балалардың көзінше оны бетінен салып қалған. Соққыдан құлаған Диастың басы жәшіктің бұрышына тиген. Алайда әкімге ол аз көрінгендей, жерде жатқан баланы аяғымен бірнеше рет тепкен», - деді А. Бекжанова. Оған бұл туралы жағдайға куә болған балалар айтып берген.
Кейін белгілі болғандай, жақында мектепте Диас әкімнің баласымен төбелесіп қалған. Осылайша Ж:Омаров баласын ұрған баладан өшін алса керек, деп түсіндірді ол.
«Баламды Астанадағы ауруханаға апаруға тура келді. Ол жарақаттарын ауырсынып жатыр. Басы ауырады, иығы мен мойны да ауырады, үнемі жүрегі айниды. Нейрохирургтың қорытындысын күтіп отырмыз. Ертең бас ми сүйегінің томографиясын жасаймыз», - деді баланың анасы.
А. Бекжанова полицияға арыз жазғанын де жеткізді.
«Әкім кешірім сұрауға тырысты, бірақ маған оның кешірім сұрағанының несі керек ... Менің екінші ұлым да мектепке барғысы келмейді. Ол қорқады. Балаға қалай олай жасауға болады!» - деп түсінбей отыр анасы.
Бұл ретте құқыққорғаушылар болған оқиғаға әзірге құқықтық баға бермей отыр.
Еске салсақ, полиция қылмыстық іс қозғап, тергеуді бастады. Істі тексеру Ақмола облысы прокуратурасының бақылауында.
