Динара Жаркеева. №2 Медеу аудандық соты алматылық зоопарктің есепшісі Марина Назарованы 7 жылға бас бостандығынан айырды, деп хабарлады агентіктің тілшісі.
«М.Назарованы мүлкін тәркілей отырып 7 жылға бас бостандығынан айыру, 5 жылға дейін мемлекеттік қызметте жергілікті өзін-өзі басқару немесе қаржы органдарында материалды жауапты қызметті басқаруға тыйым салу және жазасын орташа кауіпсіздік жүйесіндегі түзеу мекемесінде өтеу туралы жаза беру», - деп үкімді жариялады сот төрағасы Фаррух Омаров сәрсенбіде.
Сонымен қатар, сот мемлекеттің пайдасына материалдық шығынды өтеу ретінде 32 млн теңгеден астам қаржы өндіріп алу туралы шешім шығарды.
Тергеу көрсткендей, М. Назарова 2015 жылдың желтоқсанынан бастап 2016 жылдың қазан айына дейін компьютерде билеттердің сатылымы туралы мәліметтерді өшіріп отырған. Осылайша, ол 32 млн теңгеден астам қаржыны иемденіп, жаратып жіберген.
