Келесі жылы тағы қалған-құтқан орыс пен неміс, украиндар елдеріне көшеді
Жылда фейсбукта талқыланатын нәрсенің бірі – «Қазақстаннан пәленбай мың адам көшіп кетті». Бұл тақырып тәуелсіздік алғанда басталған. Орыстар кетіп таусылмаса, аяқталмайды да. Себебі көшіп кетіп жатқандар негізінен орыс ұлты. Біздің елге оралып жатқан оралмандарымыз секілді, олар да тарихи отанына қоныс аударып жатыр. Онда тұрған ештеңе жоқ.
Бірақ бұл бір кісілер үшін өз елін кезекті мәрте жамандап, фейсбукты шулатуға мүмкіндік. «Қазақстанды осыншама адам тастап көшіп кетіпті» де да, кеткендердің ұлтын айтпай ішіңе бүгіп қал... Аңқау оқырман кетіп жатқандар қазақтар екен деп ойласын.
Биылғы сыртқы көші-қон мәліметтері бойынша, 11 945 адам келіпті (оның ішінде 7,0 мың қазақ, 2,5 мың орыс), 28 150 адам кеткен. Кеткендердің ішінде 20,5 мың орыс, 2,3 мың неміс, 1,8 мың украин, 1,0 мың қазақ бар екен.
Келесі жылы тағы да 20 мың орыс пен қалған-құтқан неміс, украиндар елдеріне көшеді де, жылдың аяғына таман аталмыш тақырып қайта қозғала бастайды.
Дереккөз: Марат Мамытовтың Facebook-тегі парақшасынан алынды. Автордың рұқсатымен жарияланды.
Фото: go13.kz
