Тарихи фильмде басты рөлді сомдайтын Альмира Тұрсын жайлы белгісіз деректер
Таныс болыңыз: Альмира ТҰРСЫН. 1990 жылы дүниеге келген, мамандығы психолог-жаттықтырушы.
Қазақстандық режиссер Ақан САТАЕВ түсіріп жатқан «Томирис» фильмінің басты кейіпкерін сомдайтын актрисаны жұртшылыққа таныстырды. Альмира желтоқсанда болған соңғы байқауда сыннан сүрінбей өтіп «Томирис» фильмінің бас продюсер Алия НАЗАРБАЕВАНЫҢ көңілінен шыққан.
Үлкен кино әлеміндегі алғаш қадам жасап отырған 27 жастағы қыз Алматы қаласының тұмасы. Ол әл-Фараби атындағы Қазақ Ұлттық Университетін экономика және бизнес мамандығы бойынша 2014 жылы тәмамдаған. Ал, 2013 жылы оқу орнындағы сұлулық байқауына қатысып, жеңімпаз атанған. Кейін Альмира Мәскеу Мемлекеттік университетінде «Бизнес және басқару» мамандығы бойынша магистратурада оқыған.
«НұрАманат» атты онлайн-теледидарлық жобасына 2016 жылдың желтоқсанында сұхбат берген Альмира өзінің коуч-психолог ретінде атқарып жүрген жұмысы жайлы айтып берген болатын.
«Мен – жаттықтырушы-маманымын. Өнерлі жастарды, қыздарға, әйелдерге өз болашағын жарқын жақтан ашуға көмектесемін. Өз мамандығыммен мақтанамын. Елге көмек көрсету мен үшін үлкен жетістік. Қазір, қатты жетілмеген мамандық болғанымен, өз болашағы бар кәсіп деп білемін.
Көп жағдайда тек жас әйелдер ғана қандай жұмысты бастарын, не істерін білмейді. Біз осындай жандарға көмектесіп, жақсы қырларын көрсетіп, жаңа жұмыс табуға көмектесеміз. Кейбір қыздар қолмен жасалатын бұйымдарға қызығып, сол кәсіпті жандарына серік етеді. Мен осындай қыз-келіншектерге көмектесіп жүргеніме қуанамын «, — деді ол.
Одан бөлек, Экспресс К порталының мәліметінше Альмира Қазақстандағы 30 әдемі әйелдердің қатарына кірген.
Айта кетейік, Альмира тұрмыс құрып, бүгінде бір баланың анасы. Қазіргі уақытта ол фильмнің авторлары мен басқа қатысушыларымен бірге түсірілімге дайындалып жатыр.
Фото: Facebook.com.
