Қапыда көз жұмған марқұмдардың ішінде ең жасы 5-жасар бала
Орск қаласы әкімшілігінің баспасөз хатшысы Елена АБРАМОВАНЫҢ ТАСС агентігіне берген мәліметіне сүйенсек, апатқа ұшыраған ұшақта үш шетелдік азамат болған. Олар: Швейцария, Әзірбайжан, және Қазақстанның бір азаматы болған. Бұған дейін Қазақстан СІМ Ан-148 лайнерінде дүние салғандардың арасында біздің елдің азаматтарының бар-жоғын анықтаған.
Tengrinews.kz хабарлауынша, ұшақтың бортында Орск қаласының тұрғыны Темірлан АҚНАЗАРОВ есімді қазақ жігіті болыпты. Марқұм 1985 жылы өмірге келген екен. Естеріңізге сала кетейік, өткен жексенбі күні, 11 ақпанда авиакатастрофадан 71 адам көз жұмған еді. «Домодедовтан» 13.57 шыққан ұшақ Аргунова елді мекенінде белгі бермей, апатқа ұшырады. Ол жерде 65 адам мен алты экипаждың мүшесі бар еді.
"Интерфакс"-тың хабарлауынша, Ан-148 де Швейцария азаматы болған. «Бортта Швейцария азаматы болғаны белгілі. Ол «Орскнефтеоргсинтез» зауытына жұмыспен бара жатқан еді», - ақпарат агенттігіне әкімшіліктің баспасөз қызметінің басшысы Елена Абрамова. Сондай-ақ, оның ақпаратынша лайнерде қайтыс болғандардың ең кішісі 5 жастағы бала екен. Бұнымен қоса, 13 жастағы балаға қатысты да ақпарат тексеріліп жатыр.
Ресей президенті Владимир ПУТИН арнайы комиссия құрып, апатқа қатысты тергеу жұмыстарын жүргізуді тапсырды. Қылмыстық іс те қозғалды. Бұл көп адамның өмірін қиған әуе апаттарының бірі.
Дереккөз: Tass.ru, Интерфакс, Tengrinews.kz.
Фото: Tengrinews.kz.
