Қаз   Рус

Қайрат Нұртас «Жұлдызды жекпе-жекте» жеңіске қалай жетті

10531 қаралды
0
Динар ҚАМИЛҚЫЗЫ
Суббота, 09 Дек 2017, 11:00

«Жұлдызды» Instagram жаңалықтары

@gulziraaidarbekova «Хабар» арнасынан көрсетіліп жатқан «Жұлдызды жекпе-жек» бағдарламасы жуырда өз мәресіне жетті.

Оқи отырыңыз
Елбасы рөлін сомдаған Нұрлан Әлімжан кіммен көңіл жарастырып жүр

Жұлдызды деген аты болмаса, сайысқа сахнаның ыстық-суығын көрген аға буын өкілдері емес, жастар арасында топ жарған әншілер қатысты. Бағдарламаның қорытындысы бойынша, Қайрат НҰРТАС жеңімпаз деп танылды. Десе де, әлеуметтік желілерде байқаудың әділ өтпегенін айтып, наразылық білдіргендер саны артып отыр. Бұл өз алдына Қайраттың анасы әрі продюсері Гүлзира АЙДАРБЕКОВАНЫҢ шамына тисе керек, баласына былайша араша түсті.

«Кір іздеген адамға мін табыла береді. Шегі жоқ, мейлі сен мықты бол, төмен бол, бәрібір. Егер Қайрат жеңімпаз болмаса, осы уақытқа дейін он жыл сахнада емес, қой бағып жүр екен дегендей айтылар еді. Ал, жеңімпаз болып еді, негізі әділдік болмады деп өсектей салу тағы бар. Тіптен жүлдені сатып алған деушілер де жоқ емес. Сол кісілерге айтарым, Қайрат жеңісті сатып алатын болса, ертең сол адамдарға не бетімен қарар еді?» деп жазды жеке парақшасына.

@Sanjar.madi Ресейлік киногерлермен жұмыс жасап жатқан белгілі актер Санжар МӘДИ жерлестерінің көкейінде жүрген сауалдарға желі арқылы жауап берді. Санжардың шетелдік туындыларға түсіп, қазақтың атын шығарып жүргенін жақсы білеміз. Ресейлік примадонна Алла ПУГАЧЕВА жиені Никита ПРЕСНЯКОВТЫҢ тойына Санжарды құтты қонақ ретінде шақыртып, той төріне шығарғанын білеміз. Орыс тілінде сөйлесе де, қазақ болып туылғанын мақтан тұтатын ол, қызына Ұмай ананың есімін беріпті.

Көрерменге берген жауабы арқылы білгеніміз - Санжардың мамандығының өнермен қатысы болмай шықты. Мыңдаған сауалдың астында қалған ол ел мен жер, ру мен дін тақырыбын тыс қалтырмаған. Мысалы, haia_madrid008 есімді тіркелуші қазақтардың өз жерінде қашан лайықты өмір сүретінін сұрапты. Тосылып қалмаған Санжар: «Бұл философиялық сұраққа кезінде Абай атамыздың өзі жауап іздеген. Қазақтарға жақсы өмір сүру үшін өзіміздің қазақтар кедергі келтіруде. Өткен мен болашақты байланыстыратын қандай да бір тәртіп моделін қалыптастыруымыз керек. Сонымен қатар жемқорлықты жою керек», - деп өз ойын түйіндеген.

@mira_tusupbaeva «Меруертке не көрінген?». Әншінің инстаграмдағы оқырмандары осылай деп дабыл қағуда. Бұған себеп, жуырда Меруерт ТҮСІПБАЕВА желіге Мейрамбек БЕСПАЕВТЫҢ құшағында тұрған суретін жариялады.

«Жарқын мінезді бауырым! Менікі бар болғаны әпкелік сезім. Әсірелемеңдер, бәрібір түк шықпайды» деп, орысша қазақшасы аралас жазба да қалдырған. Мұны көрген оқырмандардың пікірі екіге жарылды. Бірі - мұның көрер көзге ерсі екенін айтса, енді біреулері - оның еш әбестігі жоғын жеткізген. Үнемі қалжыңдап жүретін ашық-жарқын мінезді әнші инстадостарының қытығына одан бетер тигісі келді ме, «Мәкең көрмей тұрғанда, сүйіп-сүйіп алайын» - деп, Мейрамбектің жарын тілге тиек еткен.

@kyrykbayeva Тұрмысқа шыққалы көрінбей кеткен Динара ҚЫРЫҚБАЕВА екінші сәбиін дүниеге әкелді. Өзін әнші, актриса әрі жүргізушілік қырынан сынап үлгерген қалталы қызды көрермендері экраннан жоғалтып алған еді. Әріптестері арасында Динараның басыбайлы бизнеске кеткенін аракідік естіп тұратын едік. Сөйткен Динара, сүйкімді қызының соңынан шекесі торсықтай ұл туды.

Әлеуметтік желіде «Қош келдің, жаным! Екі баланың анасы» деп жазды ол, қуанышын көппен бөлісіп. Мұны оқыған достары мен әріптестері Динараны ақ тілектің астында қалдырды.

@karakat_a Қарақат ӘБІЛДИНА тағы бір бизнес түрін ашты. Осыдан біраз бұрын инстадағы парақшасына:

«Ардақты ағайын! Бүгінгі күннің басты жаңалығы - Қарақат мектеп студиясының жанынан «Қарақат event орталығы» ашылды. Орталықтың алғашқы жұмысын тұсаукесермен бастадық. Негізі, осы шараны жасауға ұйытқы болған өздеріңіз. Мен ешқашан қазақтың баласының тұсауын кесіп, оған уакытымды бөлемін, тіпті осы дәстүр екінші кәсібіме айналады деп ойлаған жан емеспін. Осы уақытқа дейін көптеген ата-аналар балаларын мектебіме әкеліп кестіріп жүрген болса, кейін сахнаның сыртында, кез келген жерде тұсау кесуімді өтінген жағдайлар көбейіп кетті. Басқасын айтпағанда, соңғы екі айда тұсау кесуге жүзден аса бала тіркелген. Міне, осының барлығын ескере отырып, мағынасы терең қазақтың тамаша «тұсау кесу» дәстүрін сәні мен салтанатын жарастырып мейрамханада ұйымдастырайық деп шештік...» деп жазды.

Осылай деген Қарақат алғашқы күннің өзінде жиырма бес баланың тұсауын кесіп үлгеріпті. Тіпті, Ақтау, Ақтөбе, Қарағанды, Көкшетау, Тараз, Астана қалаларынан баласының тұсауын арнайы кестіруге келген ата-аналар да бар көрінеді.

Біреулер мұны - пиар, қалаберді ақша табудың жолына баласа, енді біреулері - «Қарақат тұсауын кескен құлыншақтарға» құтты қадам тілеген.

@«Dinara Satzhan» Мансабын тележүргізушіліктен бастаған Динара СӘТЖАН өзін әр салада сынап келеді. Енді Динара бизнестегі тағы бір қырынан танылды.

Мәселен ол жуырда желіге шеберхана ішінде тұрған суретін қойып, туған күн сияқты әртүрлі мерекелерге демеушілік жағынан қолдау көрсететінін айтып, қазақстандық суретшілердің туындысынан құралған арт- галереясымен таныстырған. Динараның бұл бастамасын қуанышпен қабылдап, оның отандық қылқалам шеберлеріне жасалған құрметіне алғыс айтқандар санында шек болмады. Неге екенін, көп ұзамай Динара бұл жазбасын желіден өшіріп, оны « Өз Ван ГОГ-ыңды іздеу жолында» деген жазбамен алмастырды. Соңырсын «Monako» демалыс үйінде, арнайы арт-орталық ашылып, оның төрт қабатына бірдей қазақстандық қылқалам шеберлерінің еңбегі қойылатынын жазды. Осыдан біраз уақыт бұрын Динара «Қазақстандағы ең беделді он әйелдің» санатына енген болатын.

Фото: instagram.com, youtube.com

Журналист
– Бір ел - екі тіл едік. Енді "Бір ел - екі әліпби" болатын сияқты.
Дело «чёрных старателей» – КНБ vs МВД
- Вы бы летом туда приехали, сразу после задержания начальника полиции. по ночам вся степь от прожекторов сияла раскопки шли вовсю
13 лет на линии: ночной автобус № 3 остаётся надёжной альтернативой такси в Алматы
- Отдуши, оставили. 3 маршурут ,ведь этот маршурут многим экономит денги для тех кто ночию работают особенно молодеж ,ведь они. Рабоьают с фери обслужвание до последнего клиннта всякие бары кафе рестораны и другие всякие работы.
ЕНПФ объяснил, как работа в странах ЕАЭС учитывается при назначении пенсии
- Почему промолчали про учет стажа работы между государствами ЕАЭС до 1 января 1998 года, в договоре про это тоже написано. Или боитесь огласки, что в РК этот пункт договора игнорируют? А ну да, вы же пишите по материалам пенсионного фонда, а там этот пункт договора военная тайна... :)
В Алматы начат снос незаконного рынка Жетысу-Семиречье
- Такой хороший рынок,не надо ездить далеко на барахолку, можно все, практически все найти на этом рынке - вещи, продукты, стройматериалы, бытовую технику и т.д. Жаль если он тоже уйдет под снос.
Хроники Верного. "Секретные материалы" из старой папки
- Да, эта папка имеет огромную ценность. Я потомок из этой семьи, очень много конечно утеряно в советское время информации. Папа говорит что старики наши шепотом о тех временах говорили. Ушли те кто мог бы поведать всю историю семьи, а в воспоминаниях папы только фрагменты тихих разговоров. Хотелось бы посетить архив в Алматы и соединить не достающие фрагменты. Спасибо за то что с таким теплом поведали нам историю семьи Шахворостовых. Вера